کراچی: آج کاروباری روز کے دوران بین الاقوامی مارکیٹوں اور پاکستان میں فی تولہ سونے اور چاندی کی قیمتوں میں کمی ریکارڈ کی گئی۔
آل پاکستان صرافہ جیمز اینڈ جیولرز ایسوسی ایشن نے بتایا کہ پاکستان میں فی تولہ سونا 9 ہزار روپے سستا ہو کر پانچ لاکھ 14 ہزار 762 روپے جبکہ 10 گرام سونا 7716 روپے کم ہو کر 4 لاکھ 41 ہزار 325 روپے کا ہوگیا۔
اسی طرح عالمی مارکیٹ میں فی اونس سونا 90 ڈالر کمی کے ساتھ 4 ہزار 920 ڈالر کا ہوگیا۔
صرافہ ایسوسی ایشن کا کہنا ہے پاکستان میں فی تولہ چاندی کی قیمت 150 روپے کمی کے ساتھ 8 ہزار 14 روپے ہو گئی۔
پاکستان میں آج ڈالر اور دیگر کرنسیوں کی قیمت
ماہرین کے مطابق عالمی معاشی صورتحال اور سرمایہ کاروں کی سونے میں بڑھتی دلچسپی کے باعث قیمتوں میں اتار چڑھاؤ جاری رہنے کا امکان ہے۔
یاد رہے کہ سونا خریدنا روایتی طور پر محفوظ سرمایہ کاری سمجھا جاتا ہے جس کی قیمت افراط زر، سیاسی اور معاشی عدم استحکام کے اوقات میں بڑھ جاتی ہے۔ اسے صدیوں سے کرنسی اور دولت کی شکل کے طور پر استعمال کیا جاتا رہا ہے، جب سرمایہ کار دوسرے اثاثوں کے بارے میں غیر یقینی محسوس کرتے ہیں، تو وہ اکثر سونا خریدے ہیں۔
2026 کے اختتام تک سونے کی قیمتیں کہاں تک جاسکتی ہیں؟ بڑی پیشگوئی سامنے آگئی
پاکستان میں گزشتہ برس سونے کی قیمت کے تعین کے طریقہ کار میں تبدیلی کر دی گئی تھی، جس کے تحت سونے کی قیمت انٹرنیشنل مارکیٹ ریٹ سے 20 ڈالر فی اونس زیادہ مقرر کی گئی۔
انجم وہاب اے آر وائی نیوز سے وابستہ ہیں اور تجارت، صنعت و حرفت اور دیگر کاروباری خبریں دیتے ہیں