The news is by your side.

Advertisement

سونے کی قیمت 5 سال کی بلند ترین سطح پر ، فی تولہ قیمت 60 ہزار تک جا پہنچی

 کراچی : عالمی مارکیٹ میں قیمتوں میں کمی کے بعد پاکستان میں سونے کی قیمت 5 سال کی بلند ترین سطح پر پہنچ گئیں۔

تفصیلات کے مطابق عالمی منڈی میں سونے کی قیمت میں کمی دیکھنے میں آئی، جس کے بعد سونے کی قیمت میں 250 روپے اضافہ ہوا اور ایک تولہ سونا کی قیمت 60 ہزار 250 روپے تک جا پہنچی۔

سندھ صرافہ بازار ایسوسی ایشن کے مطابق سونے کی فی تولہ قیمت میں 250 روپے اضافہ ہوا جس کے بعد ایک تولہ سونا کی قیمت 60 ہزار 250 روپے ہوگئی ہے جبکہ 10 گرام سونے کی قیمت 214 روپے اضافے سے 51 ہزار 642 روپے تک پہنچ گئی۔

عالمی مارکیٹ میں سونے کی قیمت 4 ڈالر کم ہوکر 1345 ڈالر فی اونس ہوگئی ہے۔

قبل ازیں رواں ماہ اپریل میں سونے کی عالمی قیمتوں میں 4 ڈالر فی اونس اضافہ ہوا تھا تاہم پرائس ایڈجسٹمنٹ کے باعث فی تولہ سونے کی قیمت میں 200 روپے کم ہوکر 58 ہزار 850 روپے تک پہنچ گئی تھیں۔


مزید پڑھیں: سونے کی قیمتیں چار سال کی بلند ترین سطح پر پہنچ گئیں


اس سے قبل رواں برس مارچ میں عالمی اور مقامی مارکیٹ میں سونے کی قیمتوں میں 700 روپے اضافہ ہوا جس کے بعد فی تولہ سونے کی قیمت 58 ہزار 2 سو روپے تک پہنچ گئی تھی جو ساڑھے چار سال کی ریکارڈ سطح تھی۔

رواں برس جنوری میں ہی عالمی اور مقامی مارکیٹ میں سونے کی قیمتوں میں اضافہ ہوا جس کے بعد فی تولہ سونے کی قیمت 300 روپے اضافے کے بعد 57 ہزار 900 کی ریکارڈ سطح پر پہنچ گئیں تھیں۔


خبر کے بارے میں اپنی رائے کا اظہار کمنٹس میں کریں‘ مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں

 

Comments

comments

یہ بھی پڑھیں