سونے کی قیمتوں میں کمی، فی تولہ قیمت 59 ہزار 100 تک پہنچ گئی
The news is by your side.

Advertisement

سونے کی قیمتوں میں کمی، فی تولہ قیمت 59 ہزار 100 تک پہنچ گئی

کراچی / اسلام آباد: عالمی منڈی میں کمی کے بعد مقامی صرافہ بازاروں میں سونے کی فی تولہ قیمت 400 روپے کم ہونے کے بعد 59 ہزار 100 تک پہنچ گئی۔

تفصیلات کے مطابق عالمی منڈی میں سونے کی قیمت میں فی اونس 17 کی کمی کے بعد سونے کی قیمتیں 1248 ڈالر تک پہنچیں جس کے مثبت اثرات مقامی صرافہ بازاروں پر بھی نظر آئے۔

صرافہ بازار ایسوسی ایشن کے مطابق سونے کی فی تولہ قیمت میں 400 روپے کمی ہوئی جس کے بعد نئی قیمت 59 ہزار 100 جبکہ 10 گرام کی قیمت 50 ہزار 668 روپے تک پہنچی۔

سونے کے تاجروں کے مطابق عالمی مارکیٹ میں فی اونس کمی کے بعد کراچی، حیدر آباد، سکھر، ملتان، فیصل آباد، لاہور، اسلام آباد، راولپنڈی، پشاور اور کوئٹہ کی صرافہ مارکیٹوں میں سونے کی خرید و فروخت نئے داموں کے ساتھ ہوئی۔

مزید پڑھیں: سونے کے خوبصورت زیورات کیسے بنتے ہیں؟

قبل ازیں رواں ماہ اپریل میں سونے کی عالمی قیمتوں میں 4 ڈالر فی اونس اضافہ ہوا تھا تاہم پرائس ایڈجسٹمنٹ کے باعث فی تولہ سونے کی قیمت میں 200 روپے کم ہوکر 58 ہزار 850 روپے تک پہنچ گئی تھیں۔

خیال رہے کہ  گزشتہ برس مقامی مارکیٹوں میں ڈالر کی بڑھتی ہوئی قیمتوں کے باعث روپے کی قدر میں کمی ہوئی تھی جس کے بعد فی تولہ سونے کی قیمت میں 500 روپے کا اضافہ دیکھا گیا تھا۔

روپے کی گراوٹ میں کمی کے باعث سونے کی فی تولہ قیمتیں 14 جون کو 59 ہزار 400 روپے تک پہنچی تھیں۔

یہ بھی پڑھیں: ڈالر کی بڑھتی قیمتوں کے باعث سونے کے بھاؤ میں اضافہ

واضح رہے کہ انٹربینک میں کئی روز تک روپے کی قدر میں گراوٹ کا سلسلہ جاری رہا تھا اور ڈالر کی قیمت ریکارڈ سطح پر پہنچ گئی تھی۔ نگراں حکومت اور اسٹیٹ بینک نے روپے کی قیمت گرائی تو یہ فیصلہ اُن کے گلے پڑ گیا اورکرنسی مارکیٹس میں روپے کی بے قدری کا سلسلہ جاری ریا۔


خبر کے بارے میں اپنی رائے کا اظہار کمنٹس میں کریں‘ مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں۔

Comments

comments

یہ بھی پڑھیں