The news is by your side.

Advertisement

بین الاقوامی اور مقامی مارکیٹ میں سونے کی اونچی اڑان

کراچی / اسلام آباد / لاہور: بین الاقوامی بلین مارکیٹ میں اضافے کے بعد مقامی صرافہ بازاروں میں سونے کی قیمتوں نے تمام حدیں عبور کرتے ہوئے مہنگائی کا نیا ریکارڈ بنا ڈالا۔

تفصیلات کے مطابق بین الاقوامی مارکیٹ میں ٹریڈنگ کے دوران سونے کی قیمت اضافے کے بعد 1515 ڈالر فی اونس تک پہنچی، یاد رہے کہ بلین مارکیٹ میں بھی قیمت تاریخ کی بلند ترین سطح پر ہے۔

آل پاکستان جیولرز ایسوسی ایشن کے چیئرمین محمد ارشد کے مطابق مقامی صرافہ بازاروں میں ریٹ بڑھنے کا رجحان رہا البتہ سونے کے نرخ میں زیادہ نہیں بلکہ معمولی اضافہ ہوا۔

مقامی صرافہ بازاروں میں فی تولہ سونے کی قیمت میں 150 روپے اضافہ ہوا جس کے بعد قیمت 88ہزار 400 روپے جبکہ دس گرا 128 روپے اضافے کے ساتھ 75ہزار 788 روپے تک پہنچ گئی۔

مزید پڑھیں: بین الاقوامی مارکیٹ میں اضافے کے باوجود پاکستان میں سونے کی قیمتیں مستحکم

یاد رہے کہ 7 اگست کو مقامی صرافہ بازاروں میں سونے کی فی تولہ قیمتوں میں اضافہ ہوا تھا جس کے بعد قیمتیں بلند ترین سطح پر پہنچ گئیں تھیں ۔ مقامی صرافہ بازاروں میں 1700 روپے اضافے کے بعد سونے کی فی تولہ قیمت 86ہزار 100 روپے تک پہنچ گئی تھیں اسی طرح 10 گرام کی قیمت بھی 1400 روپے سے زائد اضافے کے ساتھ 73ہزار 816 روپے تک پہنچ گئی۔

Comments

comments

یہ بھی پڑھیں