The news is by your side.

Advertisement

سونے کی قیمتوں میں بڑا اضافہ ، تمام ریکارڈ ٹوٹ گئے

کراچی : پاکستان میں سونے کی قیمت تاریخ کی بلند ترین سطح پر جا پہنچی، فی تولہ قیمت750 روپے اضافے کے بعد 94 ہزار 250 روپے ہوگئی۔

تفصیلات کے مطابق چین سے پھیلنے والا کرونا وائرس کے اثرات جہاں دنیا بھر کی معیشت متاثر کررہے ہیں وہیں سونا بھی مہنگا ہوگیا، پاکستان میں سونے کی فی تولہ قیمت750روپے اضافے کے بعد 94250 روپے جبکہ 10گرام سونےکی قیمت643 اضافے کے بعد 80804 روپے ہوگئی۔

مقامی مارکیٹ میں چاندی کی قیمت مستحکم رہی ، جس کے بعد چاندی 1050روپےفی تولہ ہوگیا۔

گذشتہ روز عالمی منڈی میں سونےکی قیمت 16 ڈالر 5 سینٹ اضافے کے ساتھ 1636 ڈالر 95 سینٹ فی اونس ہوگئی تھی ، جس کے باعث پاکستان میں بھی سونے کی قیمتوں میں اضافہ ریکارڈ کیا گیا۔

مزید پڑھیں : سونے کی قیمت 7 سال کی بلند ترین سطح پر پہنچ گئی

پاکستان میں سونے کی فی تولہ قیمت 920 روپے اضافے کے بعد 93500 روپے اور 10گرام سونےکی قیمت780 روپے اضافے کے بعد 80161 روپے ہوگئی تھی جبکہ چاندی کی فی تولہ قیمت میں10روپے اضافہ کے بعد 1050روپے تک جا پہنچی تھی۔

تجزیہ کاروں نے پیش گوئی کی ہے کہ مارچ میں سونے کی قیمتیں 1700 ڈالر فی اونس تک جاسکتی ہے جبکہ سرمایہ کاروں کی جانب سے سونامحفوظ سرمایہ کاری سمجھا جارہا ہے۔

خیال رہے 23 جنوری کو چین میں پھیلنے والے پراسرار اور مہلک وائرس نے پوری دنیا کو لپیٹ میں لیا ہوا ہے ، جس سے دنیا بھر میں کاروباری سرگرمیاں بھی متاثر ہیں جبکہ وائرس سے ہلاکتوں کی تعداد 2300 سے تجاوز کر گئی ہے۔

fb-share-icon0
Tweet 20

Comments

comments

یہ بھی پڑھیں