The news is by your side.

Advertisement

سونے کی قیمت میں مسلسل اضافہ

کراچی: مہنگائی کے جن نے شہریوں کی زندگی اجیرن کردی، سونا ایک بار پھر مہنگا ہوگیا۔

تفصیلات کے مطابق شادی بیاہ کی تقریب کے لیے سونے کی خریداری عوام کی پہنچ سے دور ہونے لگی، سونے کی فی تولہ قیمت میں ایک بار پھر اضافہ ہوگیا۔

سونے کی فی تولہ قیمت 150روپے اضافے کے بعد 89450 روپے ہوگئی۔

جبکہ 10 گرام سونا 128 روپے اضافے کے بعد 76678 روپے کا ہوگیا، عالمی مارکیٹ میں سونا ایک ڈالر بڑھ کر1557 ڈالر فی اونس کی سطح پر آگیا ہے۔

کراچی، حیدرآباد، سکھر، ملتان، فیصل آباد، لاہور، اسلام آباد، راولپنڈی، پشاور اور کوئٹہ کی تمام صرافہ بازاروں میں سونے کی فی تولہ اور دس گرام کی خرید و فروخت نئے ریٹ کے ساتھ ہوئی۔

یاد رہے کہ رواں سال کے آغاز پر سونے کی قیمتوں میں اضافہ ہوا تھا البتہ امریکا، ایران کشیدگی کے بعد تو عالمی مارکیٹ میں سونے کی قیمتوں کو پر لگ گئے تھے جس کے بعد مقامی صرافہ بازاروں میں سونا تاریخی کے مہنگے ترین ریٹ پر پہنچ گیا تھا۔

fb-share-icon0
Tweet 20

Comments

comments

یہ بھی پڑھیں