The news is by your side.

Advertisement

سونے کی قیمت میں کمی، ڈالر بھی سستا

کراچی: ملک میں سونے کی فی تولہ قیمت میں 550 روپے کمی کا رجحان رہا، ڈالر 164 روپے سے نیچے آگیا۔

اے آر وائی نیوز کی رپورٹ کے مطابق چیئرمین آل پاکستان جیولرز مینوفیکچررز ایسوسی ایشن محمد ارشد کا کہنا ہے کہ ملک میں سونے کی فی تولہ قیمت 550 روپے کمی کے بعد ایک لاکھ 13 ہزار 200 روپے ہوگئی۔

دس گرام سونے کی قیمت میں 471 روپے کمی ہوئی جس کے بعد 10 گرام سونے کی قیمت 97 ہزار 50 روپے پر آگئی۔

عالمی مارکیٹ میں بھی سونے کی قیمت میں کمی کا رجحان رہا جس کے بعد سونا 31 ڈالر کمی کے بعد 1885 ڈالر فی اونس پر ٹریڈنگ ہوئی۔

مزید پڑھیں: ملک میں سونے کی قیمت میں تیزی سے بڑھنے لگی

واضح رہے کہ گزشتہ روز سونے کی قیمت میں 1500 روپے اضافہ ریکارڈ کیا گیا تھا جس کے بعد فی تولہ قیمت ایک لاکھ 13 ہزار 750 روپے ہوگئی تھی۔

دوسری جانب اسٹیٹ بینک کے مطابق انٹر بینک مارکیٹ میں ڈالر کی قدر میں 7 پیسے کمی ریکارڈ کی گئی۔

انٹربینک مارکیٹ میں ڈالر 164 روپے سے نیچے آگیا، انٹربینک مارکیٹ میں ڈالر 163 روپے 97 پیسے پر بند ہوا۔

Comments

یہ بھی پڑھیں