The news is by your side.

Advertisement

سونے کی قیمتوں میں کمی ریکارڈ

کراچی: کاروباری ہفتے کے پہلے روز ملک میں سونا سستا ہوگیا اور پاکستان اسٹاک ایکسچینج میں بھی مثبت رجحان دیکھنے میں آیا۔

اے آر وائی نیوز کی رپورٹ کے مطابق سندھ صرافہ بازار جیولرز ایسوسی ایشن کے مطابق ملک میں سونے کی فی تولہ قیمت 600 روپے کمی کے بعد ایک لاکھ 15 ہزار روپے ہوگئی۔

اسی طرح 10 گرام سونے کی قدر 514 روپے کم ہوکر 98594 روپے ہوگئی جبکہ عالمی صرافہ بازار میں سونے کی قدر 6 ڈالر کم ہوکر 1927 ڈالر فی اونس ہے۔

علاوہ ازیں پاکستان اسٹاک ایکسچینج میں کاروباری ہفتے کے پہلے روز مثبت رجحان رہا اور 100 انڈیکس 272 پوائنٹس اضافے سے 42295 پر بند ہوا۔

حصص بازار میں آج 74 کروڑ شیئرز کے سودے 23 ارب روپے میں طے ہوئے اور مارکیٹ کیپٹلائزیشن 55 ارب روپے بڑھ کر 7909 ارب روپے ہوگئی۔

واضح رہے کہ ہفتے کے روز سونے کی فی تولہ قیمت 1 لاکھ 20 ہزار ایک سو روپے تھی جبکہ 10 گرام سونے کی قیمت ایک لاکھ تین ہزار روپے ریکارڈ کی گئی تھی۔

Comments

یہ بھی پڑھیں