کراچی : پاکستان میں سونے کی قیمت بڑی کمی کے بعد 5 لاکھ 23 ہزار 762 روپے کی سطح پر آگئی۔
تفصیلات کے مطابق عالمی مارکیٹ میں ہونے والی کمی کے اثرات پاکستان کے صرافہ بازاروں پر بھی پڑے ہیں، جہاں سونے اور چاندی کی قیمتوں میں بڑی کمی ریکارڈ کی گئی ہے۔
آل پاکستان صرافہ جیمز اینڈ جیولرز ایسوسی ایشن نے بتایا کہ بین الاقوامی سطح پر قیمتیں گرنے کے باعث پاکستان میں سونے کی فی تولہ قیمت میں 3,200 روپے کی نمایاں کمی ہوئی ، جس کے بعد نئی قیمت 5 لاکھ 23 ہزار 762 روپے ہوگئی۔
اسی طرح 10 گرام سونا 2,743 روپے کی کمی کے بعد 4 لاکھ 49 ہزار 41 روپے کا ہوگیا۔
عالمی مارکیٹ میں فی اونس سونے کی قیمت میں 32 ڈالر کی کمی دیکھی گئی، جس کے بعد عالمی ریٹ 5,010 ڈالر فی اونس کی سطح پر آگیا ہے۔
چاندی کی قیمت میں 55 روپے کمی سے ایک تولہ 8164روپے کا ہوگیا۔
پاکستان میں آج ڈالر اور دیگر کرنسیوں کی قیمت
ماہرین کے مطابق عالمی معاشی صورتحال اور سرمایہ کاروں کی سونے میں بڑھتی دلچسپی کے باعث قیمتوں میں اتار چڑھاؤ جاری رہنے کا امکان ہے۔
یاد رہے کہ سونا خریدنا روایتی طور پر محفوظ سرمایہ کاری سمجھا جاتا ہے جس کی قیمت افراط زر، سیاسی اور معاشی عدم استحکام کے اوقات میں بڑھ جاتی ہے۔ اسے صدیوں سے کرنسی اور دولت کی شکل کے طور پر استعمال کیا جاتا رہا ہے، جب سرمایہ کار دوسرے اثاثوں کے بارے میں غیر یقینی محسوس کرتے ہیں، تو وہ اکثر سونا خریدے ہیں۔
پاکستان میں گزشتہ برس سونے کی قیمت کے تعین کے طریقہ کار میں تبدیلی کر دی گئی تھی، جس کے تحت سونے کی قیمت انٹرنیشنل مارکیٹ ریٹ سے 20 ڈالر فی اونس زیادہ مقرر کی گئی۔
انجم وہاب اے آر وائی نیوز سے وابستہ ہیں اور تجارت، صنعت و حرفت اور دیگر کاروباری خبریں دیتے ہیں