کراچی : پاکستان میں سونے کی فی تولہ قیمت نے نیا ریکارڈ قائم کردیا اور 4 لاکھ کا قریب جا پہنچا۔
تفصیلات کے مطابق عالمی اور مقامی مارکیٹس میں سونے کی قیمت میں اتار چڑھاؤ کا سلسلہ جاری ہے۔
پاکستان میں دو روز کمی کے بعد سونا ایک بار پھر مہنگا ہوگیا، آل پاکستان جیمز اینڈ جیولرز ایسوسی ایشن نے بتایا کہ فی تولہ سونا 1900 روپے مہنگا ہو کر 3 لاکھ 97 ہزار 700 روپے کا ہو گیا ہے۔
اسی طرح 10 گرام سونے کی قیمت 1629 روپے اضافے کے بعد 3 لاکھ 40 ہزار 963 روپے مقرر کی گئی ہے۔
عالمی مارکیٹ میں بھی سونے کی قدر میں اضافہ ریکارڈ کیا گیا، جہاں فی اونس سونا 19 ڈالر مہنگا ہو کر 3759
ڈالر تک پہنچ گیا۔
پاکستان میں آج ڈالر اور دیگر کرنسیوں کی قیمت
یاد رہے کہ سونا خریدنا روایتی طور پر محفوظ سرمایہ کاری سمجھا جاتا ہے جس کی قیمت افراط زر، سیاسی اور معاشی عدم استحکام کے اوقات میں بڑھ جاتی ہے۔
اسے صدیوں سے کرنسی اور دولت کی شکل کے طور پر استعمال کیا جاتا رہا ہے، جب سرمایہ کار دوسرے اثاثوں کے بارے میں غیر یقینی محسوس کرتے ہیں، تو وہ اکثر سونا خریدے ہیں۔
پاکستان میں گزشتہ برس سونے کی قیمت کے تعین کے طریقہ کار میں تبدیلی کردی گئی تھی، جس کے تحت سونے کی قیمت انٹرنیشنل مارکیٹ ریٹ سے 20 ڈالر فی اونس زیادہ مقرر کی گئی
انجم وہاب اے آر وائی نیوز سے وابستہ ہیں اور تجارت، صنعت و حرفت اور دیگر کاروباری خبریں دیتے ہیں