کراچی : پاکستان میں سونے کی قیمت نے ایک اور نیا ریکارڈ بناتے ہوئے 4 لاکھ 42 ہزار 800 روپے کی بلند ترین سطح پر پہنچ گیا۔
تفصیلات کے مطابق بین الاقوامی اور مقامی مارکیٹوں میں سونے کی قیمت روز نئی تاریخ رقم کر رہی ہے اور قیمت تاریخ کی نئی بلند ترین سطح پر برقرار ہے
مقامی صرافہ بازار ایسوسی ایشن نے بتایا کہ پاکستان میں فی تولہ سونا 1,900 روپے اضافے کے بعد 4 لاکھ 42 ہزار 800 روپے کا ہو گیا۔
اسی طرح 10 گرام سونا 1,629 روپے اضافے سے 3 لاکھ 79 ہزار 629 روپے کی بلند ترین سطح پر پہنچ گیا۔
عالمی مارکیٹ میں بھی سونا مہنگا ہوا اور فی اونس سونا 19 ڈالر اضافے کے بعد 4,217 ڈالر کا ہو گیا۔
ماہرین کے مطابق عالمی معاشی غیر یقینی، ڈالر کی قدر میں کمی اور سرمایہ کاروں کی محفوظ سرمایہ کاری کی تلاش سونے کی قیمت میں اضافے کا باعث بن رہی ہے۔
پاکستان میں آج ڈالر اور دیگر کرنسیوں کی قیمت
یاد رہے کہ سونا خریدنا روایتی طور پر محفوظ سرمایہ کاری سمجھا جاتا ہے جس کی قیمت افراط زر، سیاسی اور معاشی عدم استحکام کے اوقات میں بڑھ جاتی ہے۔ اسے صدیوں سے کرنسی اور دولت کی شکل کے طور پر استعمال کیا جاتا رہا ہے، جب سرمایہ کار دوسرے اثاثوں کے بارے میں غیر یقینی محسوس کرتے ہیں، تو وہ اکثر سونا خریدے ہیں۔
پاکستان میں گزشتہ برس سونے کی قیمت کے تعین کے طریقہ کار میں تبدیلی کر دی گئی تھی، جس کے تحت سونے کی قیمت انٹرنیشنل مارکیٹ ریٹ سے 20 ڈالر فی اونس زیادہ مقرر کی گئی۔
انجم وہاب اے آر وائی نیوز سے وابستہ ہیں اور تجارت، صنعت و حرفت اور دیگر کاروباری خبریں دیتے ہیں