The news is by your side.

Advertisement

عالمی منڈی میں خام تیل کی قیمتوں میں نمایاں کمی ‘سونا مہنگا

نیویارک : عالمی منڈی میں خام تیل کی قیمتوں میں نمایاں کمی جبکہ سونا چھ ڈالر فی اونس مہنگا ہوگیا۔

عالمی سطح پر زائد سپلائی کے باعث خام تیل کی قیمت سات ماہ کی کم ترین سطح پر آگئی ہے، نارتھ برینٹ خام تیل کی قیمت 44 ڈالر فی بیرل ہوگئی جبکہ امریکی خام تیل کی قیمت 42 ڈالر فی بیرل کی سطح پر آگئی۔

امریکا میں گیسولین اور ڈیزل کے ذخائر اور ریفائنریز کی پیداوار بڑھنے پر قیمتوں میں کمی دیکھی گئی ۔

دوسری جانب تیل کی کم ہوتی قیمت کے باعث سرمایہ کار سونے میں سرمایہ کاری کر رہے ہیں۔

عالمی منڈی میں سونے کی فی اونس قیمت بارہ سو تریپن ڈالر ہوگئی ہے جبکہ خام تیل قیمتوں میں کمی کے باعث بین الاقوامی اسٹاک مارکیٹس منفی زون میں دیکھی گئیں۔

ماہرین کا کہنا ہےکہ امریکی فیڈریل ریزرو کی جانب سے رواں سال شرح سود میں ایک بار پھر اضافے کی توقع پر سونے کی قیمتوں میں کمی دیکھی گئی ہے۔


اگرآپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اوراگرآپ کو یہ مضمون پسند آیا ہے تو اسے اپنی فیس بک وال پرشیئرکریں۔

Print Friendly, PDF & Email

Comments

comments

یہ بھی پڑھیں