site
stats
بزنس

سونے کی قیمتوں میں نمایاں کمی

نیویارک: عالمی مارکیٹ میں سونے کی قیمتیں 6 ہفتوں کی کم ترین سطح پر پہنچ گئیں۔امریکی صدر ٹرمپ کے منتخب ہونے کے بعد سونے کی قیمتوں میں اضافہ دیکھنے میں آیاتھا۔

امریکی ذرائع ابلاغ کے مطابق گزشتہ روز نیو یارک میں سپاٹ گولڈ کی قیمتوں میں 0.8 فیصد کی کمی ریکارڈ کی گئی اور مستقبل میں خریداری کے معاہدے 1246.76 ڈالر فی اونس میں طے ہوئے۔

دوسری جانب لندن میں بھی عالمی مندی کے سبب سونے کی قیمتوں میں کمی کا رحجان دیکھنے میں آیا اور سپاٹ گولڈ کی قیمتوں میں ایک فیصد کی کمی ریکارڈ کی گئی۔


تاریخ میں پہلی بار سونا ’خرچ‘ ہو رہا ہے


یاد رہے کہ امریکی صدرڈونلڈ ٹرمپ نے منتخب ہونے کے بعد سے مسلسل اس نوعیت کے فیصلے کیے ہیں جن کے سبب امریکہ سمیت عالمی معیشت کو مشکلات کا سامنا ہے۔

گزشتہ دنوں شام میں امریکی حملوں میں تیزی اورشمالی کوریا کے ساتھ بڑھتی ہوئی مخاصمت کے سبب امریکہ میں سونے کی قیمتوں میں اضافہ دیکھا گیا تھا تاہم اب معمولی مقدار میں صحیح لیکن قیمتوں میں بہتری دیکھنے میں آرہی ہے۔

گزشتہ دنوں بھی امریکہ میں سونے کی قیمتوں میں کمی واقعہ ہوئی تھی اور مستقبل میں خریداری کے معاہدے 1265.46 ڈالر فی اونس میں طے پائے تھے۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top