The news is by your side.

سونے کی فی تولہ قیمت میں مسلسل نمایاں کمی کا رجحان

کراچی : پاکستان میں گزشتہ دنوں سونے کی قیمت میں مسلسل اضافے کے بعد قیمتوں میں نمایاں کمی آرہی ہے، آج بھی سونے کی فی تولہ قیمت میں ہزاروں روپے کی بڑی کمی ہوئی۔

اس حوالے سے ذرائع کا بتانا ہے کہ عالمی مارکیٹ میں فی اونس سونے کی قیمت میں 5 ڈالر اور پاکستان میں فی تولہ سونے کی قیمت میں 2800 روپے کی غیرمعمولی کمی ہوئی ہے۔

آل پاکستان جیمز اینڈ جیولرز ایسوسی ایشن کے مطابق آج کے دن سونے کی فی تولہ قیمت میں 2800 روپے کی کمی ہوئی ہے جس کے بعد فی تولہ سونا ایک لاکھ 84 ہزار500 روپے کا ہوگیا ہے۔

پاکستانی صرافہ مارکیٹوں میں بھی کاروباری ہفتے کے پہلے روز دس گرام سونے کی قیمت میں بھی2401 روپے کی بڑی کمی ہو نے سے ایک لاکھ 58 ہزار 179 روپے ہوگیا۔

اس کے علاوہ بین الاقوامی بلین مارکیٹ میں سونے کی فی اونس قیمت میں 5 ڈالر کی کمی ہوئی اور عالمی مارکیٹ میں سونے کی فی اونس قیمت 1915 ڈالر کی سطح پر آگئی۔

واضح رہے کہ پاکستان میں مہنگائی کی بڑھتی ہوئی شرح کی وجہ سے سونے کے زیورات کی طلب میں کمی دیکھی گئی ہے تاہم دوسری جانب سونے کے بسکٹوں میں بہت زیادہ سرمایہ کاری ہو رہی ہے۔

گولڈ بسکٹ کی خرید و فروخت کی وجہ سے ملک بھر میں سونے کی قیمت ایک لاکھ 88ہزار روپے فی تولہ تک پہنچ گئی تھی جو ملکی تاریخ میں سونے کی قیمت کی بلند ترین سطح تھی۔

Comments

یہ بھی پڑھیں