ملک میں سونے کی قیمت میں معمولی کمی ریکارڈ کی گئی جبکہ ڈالر کے مقابلے میں روپیہ بھی تگڑا ہوگیا۔
سندھ صرافہ بازار جیولرز ایسوسی ایشن کے مطابق ملک میں 200 روپے کمی کے بعد فی تولہ سونے کی قدر ایک لاکھ 26 ہزار روپے ہوگئی۔
اسی طرح 10 گرام سونے کی قدر 171 روپے کم ہوکر ایک لاکھ 8 ہزار 25 روپے رہی، جبکہ عالمی مارکیٹ میں سونے کے دام 7 ڈالر بڑھ کر ایک ہزار 807 ڈالر فی اونس ہیں۔
ڈالر کی قدر میں کمی
دوسری جانب روپیہ کے مقابلے میں ڈالر کی قدر میں بھی معمولی کمی ریکارڈ کی گئی، انٹر بینک میں ڈالر 176 روپے 63 پیسے پر بند ہوا جبکہ گزشتہ روز ڈالر 176 روپے 68 پیسے تھا۔
Interbank closing #ExchangeRate for today: https://t.co/cUdFBymADi pic.twitter.com/JnRtbGxbt0
— SBP (@StateBank_Pak) January 11, 2022
گزشتہ روز انٹربینک میں ڈالر کا بھاؤ ایک پیسے اضافےکے بعد 176.68 روپے تھا جبکہ اوپن مارکیٹ میں ڈالر کی قیمت 179.50روپے پر برقرار تھی۔
