کراچی : عالمی مارکیٹ میں سونے کی قیمت میں کمی کے بعد ملک میں بھی سونے کی قیمتیں کم ہوگئیں جبکہ ڈالر کی قدر میں بھی کمی کا رجحان رہا۔
اے آر وائی نیوز کی رپورٹ کے مطابق چیئرمین آل پاکستان جیولرز مینوفیکچررز ایسوسی ایشن محمد ارشد کا کہنا ہے کہ ملک میں سونے کی فی تولہ قیمت 1400 روپے کمی کے بعد ایک لاکھ 15 ہزار 250 روپے ہوگئی۔
فی تولہ قیمت میں کمی کے بعد 10 گرام سونے کی قیمت 1200 روپے کمی سے 98 ہزار 808 روپے رہی۔
عالمی مارکیٹ میں بھی سونے کی قیمت میں کمی کا رجحان رہا، سونا 39 ڈالر کمی کے بعد 1915 ڈالر فی اونس پر ٹریڈ ہوا۔
واضح رہے کہ گزشتہ روز سونے کی فی تولہ قیمت 650 روپے اضافے کے بعد ایک لاکھ 16 ہزار 650 روپے ہوگئی تھی جبکہ 10 گرام سونے کی قیمت 556 روپے اضافے کے بعد ایک لاکھ 8 روپے رہی تھی۔
ڈالر کی قدر میں کمی
دوسری جانب انٹر بینک میں ڈالر کی قدر میں کمی دیکھی گئی، فاریکس ڈیلرز کے مطابق انٹر بینک میں ڈالر 27 پیسے کمی سے 160 روپے 02 پیسے کی سطح پر بند ہوا۔
