The news is by your side.

Advertisement

ڈالر کے بعد اب سونے کی قیمت میں ایک ہزار آٹھ سو روپے کی ریکارڈ کمی

کراچی : سعودی عرب کے پاکستان کے لیے بیل آؤٹ پیکج کے بعد سونے کی فی تولہ قیمت میں بھی ریکارڈ کمی واقع ہوئی ہے جبکہ اسٹاک ایکسچینج میں بھی تیزی دیکھنے میں آئی۔

تفصیلات کے مطابق عالمی مارکیٹ میں سونا سستا ہوا تو مقامی مارکیٹ میں بھی سونے کی قیمت میں کمی واقع ہوئی ہے، سونے کی فی تولہ قیمت میں بھی ایک ہزار آٹھ سو روپے کی ریکارڈ کمی واقع ہوئی ہے۔

اس کے علاوہ آج پاکستان اسٹاک مارکیٹ میں زبردست تیزی دیکھنے میں آئی، رواں سال ایک دن میں پاکستان اسٹاک مارکیٹ نے ریکارڈ1556پوائنٹس کی اضافہ ہوا، اوپن مارکیٹ میں ڈالر دو روپے20پیسے سستا ہوگیا ہے۔

اس حوالے سے فاریکس ایسوی ایشن کے صدر ملک بوستان کا کہنا ہے کہ سعودی عرب بیل آؤٹ پیکج کے بعد روپے پر بڑھتے ہوئے دباؤ میں کمی آئی ہے، ڈالر کمزور ہونے کے بعد سونے کی قیمت میں بھی فی تولہ ایک ہزار روپے کی کمی ہوئی ہے جس کے بعد فی تولہ سونے کی قیمت59ہزار900روپے ہوگئی۔

مزید پڑھیں: سعودی عرب کا کامیاب دورہ ، وزیراعظم عمران خان نے پارٹی رہنماؤں کااجلاس طلب کر لیا

پاکستان جیولرز ایسوی ایشن کے مطابق ڈالر سستا ہونے کے باعث سونے کی قیمت میں کمی ہوئی ہے۔

Comments

comments

یہ بھی پڑھیں