تازہ ترین

قیمت ہی نہیں‌ سونے (Gold) کی رنگت بھی بدلتی ہے!

یہ دھات بھی خوب بہار دکھاتی ہے، گلے کا ہار ہو یا اسے انگلی میں پہنا جائے، ناک کی لونگ یا کانوں میں‌ بالیوں کی صورت چمکے۔ ہم بات کررہے ہیں سونے کی جو زیورات میں‌ ڈھل کر سنہری رنگت اختیار کرلیتا ہے اور یہی زیور عورت کی کم زوری ہوتا ہے۔

پاکستان میں سونے کی قیمت تاریخ کی بلند ترین سطح پر ہے اور اسے ریکارڈ توڑ قیمت کہا جارہا ہے۔ اور یہ سب عالمی مارکیٹ کے اتار چڑھاؤ کا نتیجہ ہے۔

سونا ایک قیمتی دھات ہے جو دنیا بھر میں مشہور اور تجارت و مالیات کا بنیادی اور لازمی جزو ہے۔ دنیا میں زیادہ تر دھاتیں چاندی یا ایلومینیم کی طرح سفید ہوتی ہیں، لیکن صرف سونے اور سیزیئم کا رنگ ہی پیلا ہوتا ہے۔ تاہم اس میں مختلف دوسری دھاتیں ملائی جائیں‌ تو اس کی رنگت بدل جاتی ہے۔

آئیے جانتے ہیں‌ کہ سونے جیسی بیش قیمت دھات میں‌ مخصوص مقدار میں ملاوٹ اسے کون کون سے رنگ دے سکتی ہے۔

جب کیمیا گر سونے میں پلاڈیم چاندی یا نِکل ملاتا ہے تو اس کا رنگ سفید ہو جاتا ہے۔

سائنسی تجربات بتاتے ہیں کہ سونے میں‌ اگر مخصوص مقدار میں چاندی ملائی جائے تو اس سے سونے کا رنگ ہرا ہو جاتا ہے۔

کیمیائی تجربات کے دوران سامنے آیا کہ تانبے کی آمیزش کے نتیجے میں سونے کا رنگ کسی قدر سُرخی مائل ہو جاتا ہے۔

کیمیا گر جب ایلومینیم سے تعامل کرتے ہیں تو سونے کا رنگ جامنی ہو جاتا ہے۔

اسی طرح ایک دھات انڈیئم سے بیش قیمت سونے کی رنگت میں‌ ہم جو فرق دیکھتے ہیں، اسے کسی قدر نیلا مانا جاتا ہے۔ ماہرین کے مطابق اس سونے میں کچھ نیلاہٹ آ جاتی ہے۔

اگر کوبالٹ کے ساتھ سونے پر تجربہ کیا جائے تو معلوم ہو گاکہ اس بیش قیمت دھات کی رنگت سیاہی مائل ہوگئی ہے۔

Comments

- Advertisement -