site
stats
بزنس

سونے کی قیمت سال کی بلند ترین سطح پر پہنچ گئی

کراچی : ملک میں سونے کی قیمت میں مزید 500 روپے فی تولہ اضافہ ہوگیا، قیمت میں اضافے کے بعد سونے کی فی تولہ قیمت 53 ہزار 150 روپے ہوگئی۔

تفصیلات کے مطابق عالمی منڈی میں سونے کی قیمت 10 ڈالر اضافے سے 1359 ڈالر فی اونس ہو گئی، جس کے باعث مقامی مارکیٹ میں بھی سونا مہنگا ہو گیا ہے۔ آل پاکستان سرافہ جیولرز ایسوسی ایشن کے مطابق سونے کی فی تولہ قیمت 500 روپے اضافے سے 53 ہزار 150روپے ہوگئی جبکہ 10 گرام سونا 429روپے اضافے کے بعد 45 ہزار 557روپے کا ہو گیا ہے ۔

جنوری سے اب تک سونے کی قیمت میں 8850 روپے کا اضافہ ہو چکا ہے۔

معاشی تجزیہ کاروں کے مطابق شرح سود میں اضافہ نہ کیے جانے کے حالیہ اعلان کے باعث سرمایہ کار اب ڈالر کی خریداری کے بجائے سونے کی خریداری میں بڑھ چڑھ کر حصہ لے رہے ہیں یہی وجہ ہے کہ سونا ایک بار پھر مہنگا ہونا شروع ہو گیا ہے۔

واضح رہے کہ یورپی یونین سے علیحدہ ہونے کے حوالے سے برطانوی ریفرنڈم کے نتائج کے بعد سے سونے کی قیمت میں مسلسل اضافہ دیکھنے میں آرہا ہے۔

چند روز کے دوران ملک بھر کی صرافہ مارکیٹس میں سونے کی قیمت کئی ہزار روپے بڑھ چکی ہے، سونے کے مقامی تاجر عالمی منڈی میں سونے کی قیمتوں کو دیکھنے کے بعد مقامی ریٹس کا تعین کرتے ہیں۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top