The news is by your side.

Advertisement

ملک میں سونے کی نئی قیمت سامنے آگئی

کراچی: کاروباری ہفتے کے پہلے روز ملک میں سونے کی فی تولہ قیمت میں 100 روپے اضافہ ریکارڈ کیا گیا۔

اے آر وائی نیوز کی رپورٹ کے مطابق آل پاکستان جیولرز مینوفیکچررز ایسوسی ایشن محمد ارشد کا کہنا ہے کہ ملک میں سونے کی فی تولہ قیمت 100 روپے اضافے کے بعد ایک لاکھ 12 ہزار 600 روپے ہوگئی۔

سونے کی فی تولہ قیمت میں اضافے کے بعد 10 گرام سونے کی قیمت بھی 84 روپے اضافے سے 96 ہزار 534 روپے ہوگئی۔

عالمی مارکیٹ میں بھی سونے کی قیمت میں اضافے کا رجحان رہا، سونا 04 ڈالر اضافے کے بعد 1892 ڈالر فی اونس رہا۔

مزید پڑھیں: سونے کی قیمتوں‌ میں‌ معمولی کمی

دوسری جانب انٹر بینک میں ڈالر کی قدر میں اتار چڑھاؤ کا سلسلہ جاری رہا، فاریکس ڈیلرز کے مطابق انٹربینک میں ڈالر ایک پیسے بڑھ کر 158.17 روپے پر بند ہوا۔

واضح رہے کہ ہفتے کے روز ملک میں سونے کی فی تولہ اور دس گرام کی قیمت میں بالترتیب 50 اور 42 روپے کمی ہوئی تھی۔

ہفتے کے روز سونے کی فی تولہ قیمت 1 لاکھ 12 ہزار 500 اور دس گرام کی قیمت 96 ہزار 450 روپے تک پہنچ گئی تھی۔

Comments

یہ بھی پڑھیں