کراچی: ملک میں سونے کی فی تولہ قیمت میں 200 روپے اضافہ ہوگیا جبکہ ڈالر کی قدر میں کمی ریکارڈ کی گئی۔
اے آر وائی نیوز کی رپورٹ کے مطابق آل پاکستان جیولرز مینو فیکچررز ایسوسی ایشن محمد ارشد کا کہنا ہے کہ ملک میں سونے کی فی تولہ قیمت 200 روپے اضافے کے بعد ایک لاکھ 12 ہزار 800 روپے ہوگئی۔
فی تولہ قیمت میں اضافے کے بعد 10 گرام سونے کی قیمت 171 روپے اضافے سے 96 ہزار 707 روپے ہوگئی۔
عالمی مارکیٹ میں سونے کی قیمت میں اضافے کا رجحان رہا، سونا 2 ڈالر اضافے کے بعد 1875 ڈالر فی اونس پر ٹریڈہوا۔
واضح رہے کہ گزشتہ روز سونے کی قیمت میں 200 روپے کمی ریکارڈ کی گئی تھی جس کے بعد سونے کی فی تولہ قیمت ایک لاکھ 12 ہزار 600 روپے ہوگئی تھی۔
ڈالر کی قدر میں کمی
دوسری جانب انٹر بینک میں ڈالر کی قیمت میں کمی ریکارڈ کی گئی، فاریکس ڈیلرز کے مطابق ڈالر 23 پیسے سستا ہوگیا، انٹر بینک میں ڈالر 160.55 سے کم ہوکر 160.32 روپے پر بند ہوا۔
