تازہ ترین

حکومت کا ججز کے خط پر انکوائری کمیشن بنانے کا اعلان

اسلام آباد: وفاقی حکومت نے اسلام آباد ہائی کورٹ...

فوجی عدالتوں سے 15 سے 20 ملزمان کے رہا ہونے کا امکان

اسلام آباد : اٹارنی جنرل نے فوجی عدالتوں سے...

نیا کپتان کون؟ سفارشات چیئرمین پی سی بی کو ارسال

پاکستان کرکٹ ٹیم کا وائٹ بال میں نیا کپتان...

سونے کی قیمت آسمان کی حدوں کو چُھونے لگی، پڑھنے والے حیران

اسلام آباد : عالمی سطح پر مہنگائی کی نہ رکنے والی رفتار کے سبب سونے کے نرخ بھی آسمان کی بلندیوں کو چُھو رہے ہیں جس میں کمی کا امکان مستقبل قریب میں نظر نہیں آرہا۔

تفصیلات کے مطابق سونے کی فی تولہ قیمت میں 3300 روپے کا ہوشربا اضافہ ہوگیا ہے جس کے بعد ایک بار پھر تمام سابقہ ریکارڈ ٹوٹ گئے۔

عالمی منڈی میں سونے کی قیمت میں اضافہ تو نہ ہوا لیکن پاکستان کے صرافہ بازاروں میں سونے کے فی تولہ نرخ بڑھا دیئے گئے جس کے نتیجے میں سونے کی قیمت ملکی تاریخ کی بلند ترین سطح پر پہنچ گئی۔

ملک میں آج سونے کی فی تولہ اور دس گرام قیمت میں بالترتیب 3300 روپے اور 2829 روپے کا ہوشربا اضافہ ہوا ہے، جس کے بعد پاکستان میں سونے کی قیمت ملکی تاریخ میں سب سے زیادہ ہوگئی۔

صراف اینڈ جیولرز ایسوسی ایشن سے جاری اعداد و شمار کے مطابق قیمتوں میں اضافے کے نتیجے میں کراچی، حیدرآباد، ملتان، لاہور، راولپنڈی، اسلام آباد، پشاور اور کوئٹہ کی صرافہ مارکیٹوں میں سونے کی فی تولہ قیمت ایک لاکھ 87 ہزار 200 روپے جب کہ دس گرام سونے کی قیمت ایک لاکھ 60 ہزار 494 روپے کی نئی بلند ترین سطح پر پہنچ گئی۔

مقامی صرافہ مارکیٹوں میں چاندی کی فی تولہ قیمت 30روپے کے اضافے کے بعد 2100 روپے جب کہ دس گرام چاندی 25 روپے 71 پیسے کے اضافے کے ساتھ ایک ہزار 800 روپے 41 پیسے کی سطح پر آگئی۔

Comments

- Advertisement -