The news is by your side.

Advertisement

سونے کی قیمت میں ایک بار پھر اضافہ

کراچی : سونے کی قیمتوں میں اچانک بڑا اضافہ ہوگیا، قیمتیں کم ہونے کے بعد ایک بار پھر آسمان کو چھونے لگیں، ایک ہزار روپے اضافے کے بعد فی تولہ 117500 روپے کا ہوگیا۔

تفصیلات کے مطابق عالمی منڈی میں سونے کی قیمتوں میں اضافے کے بعد مقامی صرافہ مارکیٹوں میں بھی سونے کی قیمتوں میں اضافہ دیکھا گیا ہے۔

پاکستان میں سونے کی قیمت1000 روپے اضافے کے بعد117500 روپے ہوگئی جب کہ 10گرام سونے کی قیمت 857 روپے اضافہ کے بعد 100737 روپے ہوگئی۔

چئیرمین آل پاکستان جیولرز مینوفیکچررز ایسوسی ایشن محمد ارشد کے مطابق عالمی مارکیٹ میں سونا 34 ڈالر اضافہ کے بعد 1959ڈالر فی اونس پر ٹریڈنگ ہوا۔

پچھلے دنوں سونے کی قیمتوں کی اونچی اڑان کو بریک لگ گئی تھی اور قیمتیوں میں کمی آنے شروع ہوئی تھی تاہم ایک بار پھر سونے کی قیمتیں بڑھنے کا سلسلہ شروع ہوگیا ہے۔

واضح رہے کہ مالی سال 2019-2020 کے دوران سونے کی فی تولہ قیمت میں 26 ہزار روپے سے زائد کا اضافہ ہوا، گزشتہ برس جون کی تیس تاریخ کو پاکستان میں سونے کی فی تولہ قیمت 78 ہزار 500 روپے تھی۔

Comments

یہ بھی پڑھیں