The news is by your side.

Advertisement

ڈالر کی اونچی اڑان، سونے کی قیمت میں کمی

ملک میں سونے کی قیمت کم ہوگئی جبکہ ڈالر کی اونچی اڑان کا سلسلہ جاری ہے۔

 آل پاکستان جیولرز مینو فیکچررز ایسوسی ایشن کے چیئرمین محمد ارشد کے مطابق ملک میں سونے کی فی تولہ قیمت 400 روپے کمی کے بعد ایک لاکھ 31 ہزار روپے ہوگئی۔

اسی طرح دس گرام سونے کی قیمت 342 روپے کمی کے بعد ایک لاکھ 12 ہزار 311 روپے رہی۔

عالمی منڈی میں بھی سونے کی قیمت میں کمی کا رجحان رہا، سونا تین ڈالر کمی کے بعد 1950 ڈالر فی اونس رہا۔

ڈالر کی قدر میں اضافہ

دوسری جانب ملک میں امریکی ڈالر کی قدر تاریخ کی نئی بلندی پر پہنچ گئی۔

انٹربینک میں کاروبار بندش پر ڈالر کا بھاؤ تاریخ کی بلند ترین سطح پر پہنچ گیا۔ انٹربینک میں کاروبار کی بندش پر ڈالر کا بھاؤ 5 پیسے اضافے سے 181 روپے 78 پیسے رہا۔

انٹربینک میں ڈالر کی یہ بلند ترین اختتامی قیمت ہے اس کے علاوہ اوپن مارکیٹ میں ڈالر کا بھاؤ 183 روپے برقرار ہے۔

Comments

یہ بھی پڑھیں