ملک میں کاروباری ہفتے کے پہلے روز سونے کی قیمت میں 2 ہزار روپے کا اضافہ ہوگیا جبکہ ڈالر کی قدر میں بھی 74 پیسے اضافہ ریکارڈ کیا گیا۔
آل پاکستان جیمز اینڈ جیولرز ایسوسی ایشن کے مطابق ملک میں سونے کی فی تولہ قیمت دو ہزار روپے اضافے کے بعد دو لاکھ 37 ہزار 300 روپے ہوگئی۔
اسی طرح 10 گرام سونے کی قیمت 1714 روپے اضافے سے دو لاکھ تین ہزار 446 روپے پر پہنچ گئی ہے۔
عالمی مارکیٹ میں سونے کی قیمت میں کمی کا رجحان رہا اور سونے کی قدر 10 ڈالر کم ہوکر 1972 ڈالر فی اونس رہی۔
انٹربینک اور اوپن مارکیٹ میں روپےکے مقابلے میں امریکی ڈالر کی قدر میں اضافےکا سلسلہ جاری ہے۔
انٹربینک میں ڈالر 74 پیسے اضافے کے بعد 286.56 روپے پر بند ہوا۔ انٹربینک میں گزشتہ روز ڈالر 285.82 روپے پربند ہوا تھا۔
آج ایک موقع پر انٹربینک میں کاروبار کے دوران ڈالر 2 روپے18 پیسے مہنگا ہوکر 288 روپےکا ہوگیا تھا۔
دوسری جانب اوپن مارکیٹ میں بھی ڈالر 4 روپے مہنگا ہوکر 305روپےکا ہوگیا۔
Interbank closing #ExchangeRate for todayhttps://t.co/TFSohJOjSt pic.twitter.com/4Nb3Dk2Kki
— SBP (@StateBank_Pak) May 22, 2023