ملک میں کاروباری ہفتے کے پہلے روز سونے کی قیمت میں مزید اضافہ ہوگیا جبکہ ڈالر کے مقابلے میں روپے کی قدرمیں گراوٹ کا سلسلہ بھی جاری ہے۔
سندھ صرافہ بازار جیولرز ایسوسی ایشن کے مطابق ملک میں فی تولہ سونا مزید 600 روپے مہنگا ہوکر ایک لاکھ 27 ہزار 800 روپے ہوگیا۔
اسی طرح 10 گرام سونے کی قیمت 515 روپے اضافے سے ایک لاکھ 9 ہزار 568 روپے ہوگئی۔
عالمی مارکیٹ میں بھی سونے کی قیمت 9 ڈالر اضافے سے 1802 ڈالر فی اونس رہی۔
ڈالر کی اونچی اڑان
دوسری جانب ڈالر کی اونچی کا سلسلہ بھی جاری ہے اور ڈالر کے مقابلے میں پاکستانی روپے کی قدر مزید گھٹ گئی۔
انٹربینک میں ڈالرکی قدر تاریخ کی نئی بلند ترین سطح 174 روپے 43 پیسے پر پہنچ گئی، آج انٹربینک میں ڈالر 43 پیسے مہنگا ہوا ہے۔
اوپن مارکیٹ میں بھی ڈالرکی قدر میں ایک روپیہ 20 پیسے اضافہ ہوا ہے، اوپن مارکیٹ میں ڈالرکی قدر 175 روپے 50 پیسے ہے۔
