The news is by your side.

پروفیشنل ریسلنگ کے بادشاہ گولڈ برگ پاکستان آنے کے خواہشمند

اسلام آباد : پروفیشنل ریسلنگ کے بادشاہ گولڈ برگ نے پاکستان آنے میں دلچسپی کا اظہار کردیا ہے اور کہا کہ دورہ پاکستان ممکن ہواتو میرے لیے فخر کی بات ہوگی۔

تفصیلات کے مطابق پروفیشنل ریسلنگ کے بادشاہ گولڈ برگ نے پاکستان آنے میں دلچسپی کا اظہار کرتے ہوئے کہا کہ پی ڈبلیو ڈبلیو ای کے آفیشلز سے رابطے میں ہوں پاکستان کا دورہ ممکن ہوسکا تو میرے لئے فخر کی بات ہوگی۔

گولڈ برگ ڈبلیو ڈبلیو ای کے ورلڈ چیمپئن بھی رہ چکے ہیں۔

یاد رہے گذشتہ سال اگست میں غیر ملکی کرکٹرز، ہاکی پلیئرز کے بعد اب ڈبلیو ڈبلیو ای کے ریسلر ہلک ہوگن، گولڈ برگ سمیت 22 ریسلرز نے پاکستان آنے کے لیے رضامندی ظاہر کی تھی۔


مزید پڑھیں : ہوگن، گولڈ برگ سمیت 22 ریسلرز پاکستان آنے کے لیے تیار


پاکستان کے پروریسلنگ انٹرٹینمنٹ کے سربراہ عاصم شاہ کا کہنا تھا کہ گولڈ برگ، ہلک ہوگن، رے مسٹیریو اور ویڈ بیرٹ سمیت 22 غیر ملکی ریسلرز نے پاکستان آنے پر راضی ہوگئے ہیں اور جلد ان ریسلرز سے معاہدے پر بھی دستخط ہوجائیں گے۔

خیال رہے کہ گولڈ برگ کے مداحوں کی پاکستان سمیت دنیا بھر میں بڑی تعداد موجود ہے۔


مزید پڑھیں :  گولڈ برگ نے بروک لیسنر کو منٹوں میں پچھاڑ دیا


سال 2016 میں ڈبلیو ڈبلیو ای سروائیور سیریز میں روایتی حریف گولڈ برگ نے بروک لیسنر کو منٹوں میں شکست کا مزہ چکھایا تھا ، جس پر کانٹے دار مقابلے کی توقع رکھنے والے شائقین ششدر رہ گئے تھے۔


اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں۔

Print Friendly, PDF & Email

Comments

comments

یہ بھی پڑھیں