The news is by your side.

Advertisement

گولڈن گلوب ایوارڈز، سال کی بہترین فلم کا ایوارڈ ‘دی ریوننٹ‘ نے جیت لیا

کیلی فورنیا: امریکی ریاست کیلی فورنیا میں گولڈن گلوب ایوارڈز کا میلہ سجا، جہاں ہالی ووڈ فلم نگری سے آئے ستاروں نے تقریب کی رونقیں دوبالا کردیں، سال کی بہترین فلم کا ایوارڈ ‘دی ریوننٹ‘ نے جیت لیا۔

تہتر ویں گولڈن گلوب ایوارڈ کی رنگارنگ تقریب بیولری ہلز میں سجی، جہاں ریڈ کارپٹ پر ہالی وڈ ستاروں کی آمد نے دھوم مچادی، گولڈن گلوب ایوارڈ میں دی ریوننٹ بہترین ڈرامہ فلم قرار پائی۔

اسی فلم میں بہترین اداکاری پر لیونارڈو دی کیپریو کو ایوارڈ سے نوازا گیا، بہترین اداکارہ کا ایوارڈ فلم روم کی ہیروئن بری لارسن کے نام ہوا۔

دی مارشین نے بہترین کامیڈی فلم کا ایوارڈ جیتا۔

بہترین کامیڈی اداکارہ کا ایوارڈ جینیفر لارنس نے اپنے نام کیا۔

بہترین معاون ادکارہ کا ایوارڈ کیٹ ونسلیٹ کو فلم اسٹیو جابز اور فلم کریڈ کیلئے سلوسٹرسلون کو بہترین معاون اداکار کا ایوارڈ دیا گیا۔

بہترین اینیمیٹڈ فلم کا اعزاز ان سائیڈ آوٹ لے اڑی۔

Comments

comments

یہ بھی پڑھیں