The news is by your side.

Advertisement

2020: گولڈن گلوب ایوارڈ کی 77 ویں تقریب اور فاتحین!

77 ویں گولڈن گلوب ایوارڈ کی رنگا رنگ تقریب امریکی شہر لاس اینجلس میں منعقد ہوئی جہاں اس سال ایوارڈ جیتنے والوں میں فوبی والر برج بھی شامل ہیں جنھوں نے پہلا گولڈن گلوب ایوارڈ وصول کیا۔

ایوارڈ کس کے حصّے میں آیا؟

برطانوی ادارکاہ فوبی والر کو بی بی سی کی مزاحیہ ٹی وی سیریز فیلی بیگ کے لیے یہ ایوارڈ دیا گیا ہے۔ انھیں سال کی بہترین اداکارہ قرار دیا گیا ہے۔

اسی ٹیلی ویژن ڈرامے میں ان کی معاون اداکارہ اولیویا کولمین کو تیسری سیریز دا کراؤن کے کردار کوئین کے لیے ایوارڈ سے نوازا گیا۔

ٹیلی ویژن سیریز کے لیے بہترین اداکار کے زمرے میں گولڈن گلوب لے جانے والے رامی یوسف ہیں۔ یہ میوزیکل یا مزاحیہ کیٹگری تھی جس میں رامی یوسف فاتح رہے۔

ونس اپان اے ٹائم وہ کامیڈی فلم ہے جو بہترین قرار پائی اور فلم کاسٹ یہ ایوارڈ اپنے نام کرنے میں کام یاب رہی۔

شارٹ سیریز میں بہترین معاون اداکار کے لیے یہ ایوارڈ پیٹریشیا آرکیٹ کو دیا گیا۔

مشہور امریکی کامیڈین اور ہوسٹ ایلن ڈی جینریز کو اس تقریب میں خصوصی ایوارڈ سے نوازا گیا۔

گولڈن گلوب ایوارڈ کیا ہے؟

ہالی ووڈ فارن پریس ایسوسی ایشن ( ایچ ایف پی اے) کے تحت ہر سال ٹیلی ویژن اور غیرملکی فلموں میں امتیازی اور نمایاں کارکردگی کا مظاہرہ کرنے پر یہ اعزاز دیا جاتا ہے جس کا حتمی فیصلہ اس تنظیم کے 93 اراکین کرتے ہیں۔

اکیڈمی اور ایمی ایوارڈ کے بعد گولڈن گلوب کو ایک بڑا اعزاز ہے جو انٹرٹینمنٹ انڈسٹری میں نمایاں کارکردگی پر دیا جاتا ہے۔

fb-share-icon0
Tweet 20

Comments

comments

یہ بھی پڑھیں