site
stats
پاکستان

پنجاب میں ڈاکو راج، گڈ گورنس کا پول کھل گیا

robbery

شیخوپورہ/ فیصل آباد / لاہور : پنجاب بھر میں ڈاکو راج قائم ہے، شیخوپورہ میں دو افراد کے قتل کی سی سی ٹی وی فوٹیج ملنے کے باوجود ملزمان تاحال گرفتارنہ ہوسکے، فیصل آباد میں ڈاکوؤں نے دستی بم دکھا کر دکان لوٹ لی، لاہور میں مسجد کے چندہ باکس کو بھی نہ چھوڑا گیا۔

تفصیلات کے مطابق پنجاب میں گڈ گورنس کو پول کھل گیا، صوبے بھر میں ڈاکو راج قائم ہے، سی سی ٹی وی کیمروں کی فوٹیج اے آر وائی نیوز نے حاصل کرلیں۔

شیخوپورہ ضلع کچہری کی فوٹیج میں دیکھا جاسکتا ہے کہ جیکٹ پہنے نوجوان نے مخالفین پر دن دہاڑے فائرنگ کرکے ان کی جان لے لی۔

اس کے علاوہ فیصل آباد کے سمن آباد میں الیکٹرونکس کی شاپ پر دستی بم دکھا کر ڈکیتی کی واردات کی گئی، دو ڈکیت دکان میں گھسے ایک نے بم دکھایا اور دوسرے نے پستول دکھا کر موجود لوگوں کو یرغمال بنالیا، ڈاکو دکان سے بیاسی ہزار روپے کی نقدی لوٹ کر فرار ہوگئے۔

دوسری جانب لاہور میں ڈاکوؤں نے مسجد کو بھی نہ چھوڑا، چندے کی پیٹی سے پیسے نکال کر فرار ہوگئے، لاہور ہی میں ہونے والی دوسری واردات میں مصری شاہ میں دکان کا تالا توڑ کر ڈکیت اندر داخل ہوا اور پانچ لاکھ روپے کی نقدی اور موبائل فونز چوری کرکے فرارہوگیا۔


مزید پڑھیں: پنجاب: 2017 میں 3,270 افراد قتل، 205ملزمان ہلاک


سی سی ٹی فوٹیج میں ملزمان کے چہرے واضح ہونے کے باوجود ملزمان قانون کی گرفت میں اب تک نہ آسکے، پولیس ملزمان کو گرفتارکرنے میں تاحال ناکام ہے۔


اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر ضرور شیئر کریں۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top