The news is by your side.

Advertisement

وزیر ریلوے شیخ رشید کی صحت سے متعلق خوش خبری

راولپنڈی: کرونا وائرس سے متاثر ہونے والے وفاقی وزیر ریلوے شیخ رشید احمد کی طبیعت میں بہتری آنا شروع ہو گئی ہے۔

اے آر وائی نیوز کے مطابق شیخ رشید کی طبیعت میں بہتری آنا شروع ہو گئی ہے، انھوں نے اپنے بھتیجے سمیت اہم شخصیات سے فون پر بات بھی کی۔

شیخ رشید نے اپنی گفتگو میں اپیل کی کہ ان کی جلد صحت یابی کے لیے دعائیں کی جائیں، اس سلسلے میں شیخ راشد شفیق نے بتایا کہ وفاقی وزیر نے جلد صحت یابی کے لیے قوم سے دعاؤں کی اپیل کی ہے۔

شیخ راشد کا کہنا تھا کہ ان کی طبیعت میں بہتری کے آثار ہیں، ڈاکٹرز نے بھی کہا ہے کہ شیخ رشید کو آکسیجن کی ضرورت نہیں، وہ جلد مکمل صحت یاب ہو جائیں گے۔

کرونا انفیکشن میں مبتلا شیخ رشید کا اسپتال سے پیغام

واضح رہے کہ کرونا وائرس انفیکشن میں مبتلا وفاقی وزیر شیخ رشید احمد کو دو دن قبل ملٹری اسپتال منتقل کیا گیا تھا، گزشتہ روز اسپتال سے جاری پیغام میں انھوں نے کہا کہ اب وہ بہتر محسوس کر رہے ہیں، فیملی کا کہنا تھا کہ انھیں احتیاطی تدابیر کے پیش نظر اسپتال منتقل کیا گیا تھا، شیخ رشید کو کوئی پیچیدگی لاحق نہیں تھی۔

شیخ رشید کا 10 جون کو دوسری مرتبہ بھی کرونا وائرس ٹیسٹ مثبت آ گیا تھا، اس سے قبل ان کا کرونا وائرس ٹیسٹ 8 جون کو مثبت آیا تھا، جس کے بعد وہ اپنے گھر میں سیلف آئسولیشن میں چلے گئے تھے، گزشتہ روز ملٹری اسپتال راولپنڈی سے پیغام جاری کرتے ہوئے انھوں نے کہا کہ میرا کو وِڈ 19 کا علاج جاری ہے، ڈاکٹرز اور نرسنگ اسٹاف اپنی بہترین صلاحیتوں کے مطابق علاج کر رہے ہیں۔

Comments

یہ بھی پڑھیں