The news is by your side.

Advertisement

غیرملکیوں کیلئے خوشخبری، کل سے سفری پابندی کے خاتمے کا اعلان

مسقط: عمان نے سنگاپور اور برونائی پر عائد سفری پابندی کے خاتمے کا اعلان کیا ہے، دونوں ممالک کے شہری کل سے عمان میں داخل ہوسکیں گے۔

عرب میڈیا کی رپورٹ کے مطابق عمانی حکومت نے کورونا وبا کے پیش نظر سنگاپور اور برونائی پر سفری پابندی عائد کررکھی ہے تاہم کل سے سرحدیں کھول دی جائیں گی۔

دونوں ممالک سے غیرملکی عمان آسکیں گے۔ عمان میں قائم کمیٹی نے سنگاپور اور برونائی دارالسلام سے عمان آنے والوں پر سفری پابندی پیر 19 جولائی یعنی کل سے اٹھانے کا اعلان کیا ہے۔

دوسری جانب خلیجی ملک عمان نے کورونا صورت حال کو مدنظر رکھتے ہوئے لاک ڈاؤن میں 24 جولائی تک توسیع کردی ہے۔

سلطنت عمان میں نافذ مکمل لاک ڈاؤن میں 24 جولائی تک توسیع کر دی گئی جس کے تحت دن کے اوقات میں تمام کاروباری سرگرمیاں، لوگوں اور گاڑیوں کی آمدو رفت پر مکمل پابندی ہوگی۔

خلیجی ملک: لاک ڈاؤن میں توسیع، پابندیاں برقرار رہیں گی

رپورٹ میں بتایا گیا ہے کہ لاک ڈاؤن کا سلسلہ عید تعطیلات کے دوران بھی رہے گا۔

عمانی حکام کا کہنا تھا کہ رات کے اوقات میں کاروباری اداروں کی بندش، گاڑیوں اور رہائشیوں کے گھومنے پر پابندی ہوگی تاہم عید کے موقع پر نرمی متوقع ہے۔

Comments

یہ بھی پڑھیں