The news is by your side.

Advertisement

بیرون ملک جانے والے پاکستانیوں کے لیے اچھی خبر

لاہور: وزیرصحت پنجاب ڈاکٹر یاسمین راشد کا کہنا ہے کہ بیرون ملک جانے والے پاکستانیوں کی آسانی کے لیے اقدامات اٹھائے جارہے ہیں۔

تفصیلات کے مطابق میڈیا سے گفتگو کرتے ہوئے یاسمین راشد نے کہا کہ پنجاب کے مختلف ایئرپورٹس پر کوروناٹیسٹنگ بوتھ کا قیام عمل میں لایا جارہا ہے تاکہ بیرون ملک جانے والے پاکستانیوں کے لیے آسانیاں میسر آئیں۔

وزیرصحت پنجاب کا کہنا تھا کہ ٹیسٹنگ بوتھ کے قیام کے سلسلے میں سول ایوی ایشن اتھارٹی سے رابطہ کیا جائے گا، عوام کو کورونا سے بچاؤ کیلئے احتیاطی تدابیر سختی سے اختیار کرنا ہوں گی۔

انہوں نے مزید کہا کہ تمام ویکسی نیشن سینٹرز پر تربیت یافتہ عملہ فرائض سرانجام دے رہا ہے۔

کرونا کیسز میں خوفناک اضافہ،24 گھنٹے 2700 سے زائد کیسز رپورٹ

خیال رہے کہ ملک میں حالیہ دنوں کورونا کیسز میں اضافہ بھی ریکارڈ کیا جارہا ہے۔ گزشتہ 24 گھنٹے کے دوران مزید 2 ہزار 701 کرونا کیسز رپورٹ ہوئے۔

موجودہ صورت حال کو مدنظر رکھتے ہوئے صوبائی حکومتوں کی جانب سے اہم اقدامات اٹھائے جارہے ہیں۔

Comments

یہ بھی پڑھیں