The news is by your side.

Advertisement

انٹرنیٹ استعمال کرنیوالے کم آمدنی والے افراد کے لیے بڑی خوشخبری

امریکا میں انٹرنیٹ سروس فراہم کرنے والی 20 کمپنیاں کم آمدن شہریوں کو رعایتی قیمت پر سروسز فراہم کرنے پر متفق ہوگئیں ہیں۔

وائٹ ہاؤس کی جانب سے جاری اعلامیے کے مطابق بائیڈن انتظامیہ اور ملک میں انٹرنیٹ سروس فراہم کرنے والی بیس بڑی کمپنیوں  کے درمیان سستا اور تیز ترین انٹرنیٹ فراہم کرنے کا معاہدہ طے پاگیا ہے، جس کے تحت کمپنیاں دیہی اور کم آمدن والے علاقوں میں شہریوں کو تیز ترین انٹرنیٹ سروسز فراہم کریں گی یا قیمتوں میں کمی کی جائے گی۔

معاہدے کے تحت کم آمدن گھرانوں کو 30 ڈالر فی کس سبسڈی دی جائے گی، جس سے 48 ملین امریکی گھرانے مستفید ہوسکیں گے۔

یہ بھی پڑھیں: انٹرنیٹ میں سست روی کی وجہ سامنے آگئی

خیال رہے کہ امریکی صدر جو بائیڈن کی امریکی شہریوں کو تیز رفتار انٹرنیٹ تک رسائی فراہم کرنا اولین ترجیح رہی ہے، اور وہ متعدد بار کہہ چکے ہیں کہ تیز رفتار انٹرنیٹ سروس پرتعیش چیز نہیں بلکہ یہ ایک ضرورت ہے۔

ان کا کہنا ہے کہ متوسط اور غریب گھرانوں کو تیز رفتار انٹرنیٹ تک رسائی میں مشکلات کا سامنا کرنا پڑتا ہے، کورونا وبا کے دوران ان کے بچوں کو فاصلاتی تعلیم اور اپنے اسائمنٹ کو مکمل کرنے میں بھی دشواری درپیش تھی۔

Comments

یہ بھی پڑھیں