The news is by your side.

Advertisement

سفری پابندی کے شکار ممالک میں موجود سعودی ویزا ہولڈرز کیلئے خوشخبری

ریاض: سعودی حکومت کی جانب سے سفری پابندی کے شکار ممالک میں موجود سعودی وزٹ ویزا رکھنے والوں کے لیے زبردست سہولت متعارف کرا دی گئی۔

عرب میڈیا کی رپورٹ کے مطابق مذکورہ بالا ممالک میں موجود سعودی وزٹ ویزا ہولڈرز مفت میں ویزے کی توسیع کراسکیں گے جس کے لیے آن لائن لنک بھی جاری کردیا گیا ہے۔

سعودی وزارت خارجہ کا کہنا ہے کہ جن افراد نے وزٹ ویزے جاری کروائے اور پروازوں کی پابندی کی وجہ سے وہ انہیں استعمال نہیں کرسکے وہ اپنے ویزوں کی مدت میں مفت توسیع کراسکتے ہیں۔

وزارت خارجہ کے مطابق یہ سہولت 2 فروری 2021 کو جن 20 ممالک کی فہرست جاری کی گئی تھی اور وہاں سے آنے والی پروازوں پر پابندی لگا دی گئی، ان ممالک کے شہریوں کے لیے ہے۔

حکام کا کہنا ہے کہ صرف ان وزٹ ویزوں کی توسیع ہوگی جو غیر استعمال شدہ ہیں۔ مذکورہ ممالک کے شہری اپنے ویزوں کی مفت توسیع کے لیے وزارت کی طرف سے دیے گئے لنک کے ذریعے آن لائن کراسکتے ہیں۔

Comments

یہ بھی پڑھیں