The news is by your side.

Advertisement

طلبا کیلئے خوشخبری، جرمنی میں تعلیم حاصل کرنے کا سنہری موقع!

لاہور: گورنمنٹ کالج یونیورسٹی(جی سی یو) کے طلبا کیلئے اچھی خبر یہ ہے کہ وہ جرمنی میں تعلیم حاصل کرسکیں گے۔ جرمن یونیورسٹی سے اہم معاہدہ طے پاگیا۔

تفصیلات کے مطابق جی سی یونیورسٹی اور جرمن یونیورسٹی کے مابین ہونے والے معاہدے کے تحت دونوں یونیورسٹیز ہر سال 10 طلبا کا تبادلہ کریں گے، جی سی یونیورسٹی سے 10طلبا ہر سال جرمن یونیورسٹی میں تعلیم حاصل کرنے جائیں گے، طلبا کو جرمن یونیورسٹی کو ٹیوشن فیس بھی ادا نہیں کرنا پڑے گی۔

جی سی یو کا یونیورسٹی آف اپلائیڈ سائنسز نیبرینڈن برگ، جرمنی کے ساتھ معاہدہ ہوا ہے۔

جی سی یو کے وائس چانسلر پروفیسر ڈاکٹر اصغر زیدی اور جرمن یونیورسٹی کے صدر پروفیسر ڈاکٹر گریڈ ٹیسکے نے مفاہمت کی یادداشت پر آن لائن دستخط کر دیئے۔ 16 نکاتی معاہدہ میں فیکلٹی کے تبادلے، تحقیقی تعاون اور سٹاف کی تربیت کی شکیں بھی شامل ہی۔ یونیورسٹیوں کے سربراہان اور عہدیداروں کے درمیان ویڈیو کانفرنس بھی ہوئی۔

دریں اثنا وائس چانسلر پروفیسر اصغر زیدی کا کہنا ہے کہ جی سی یونیورسٹی بھی جرمن یونیورسٹی کے طلبا سے فیس نہیں لے گا، جرمن طلبا کو یونیورسٹی کے اندر رہائش بھی دیں گے۔

انہوں نے مزید کہا کہ بیرون ملک یونیورسٹیز سے روابط استوار کرنا جی سی یو کے اسٹریٹجک وژن کا پانچواں ستون ہے۔ دونوں یونیورسٹییز نے مشترکہ تحقیقی منصوبوں کے آغاز پر بھی اتفاق کیا ہے۔

Comments

یہ بھی پڑھیں