شارجہ میں قائم ایئر عربیہ نے برصغیر پاک وہند، مشرق وسطیٰ اور دیگر ممالک کے ایک درجن سے زائد شہروں کے لیے خصوصی کم کرایوں کا اعلان کیا ہے۔
نئے اعلان کردہ کرایوں کے مطابق ریٹرن اکانومی کلاس کے لیے ٹکٹ کی کم از کم قیمت 760 درہم مقرر کی گئی ہے تاہم بجٹڈ کیریئر کے مطابق مسافروں کو اس پیشکش سے فائدہ اٹھانے کے لیے اتوار بیس فروری سے قبل ٹکٹ بک کروانا ہوں گے۔
پاکستان جانے والوں کے لیے کراچی، سیالکوٹ اور فیصل آباد کے لیے مسافر بالترتیب 849، 949 اور 1040 درہم تک ریٹرن اکانومی کلاس ٹکٹ بک کرسکتے ہیں۔
بھارت جانے کے خواہشمندوں کے لیے کوچی کے لیے 760 درہم، دہلی اور ممبئی 900درہم، احمد آباد کے لیے 1050 درہم اور بنگلورو کے لیے 1150 درہم میں ریٹرن ٹکٹ خریدا جاسکتا ہے۔
کم لاگت والی یہ فضائی کمپنی متحدہ عرب امارات میں شارجہ اور راس الخیمہ سے کام کرتی ہے۔
ایئر عربیہ نے مصر کے شہر اسکندریہ کے لیے 900 اور قاہرہ کے لیے 1050 درہم قیمت مقرر کی ہے۔
ایئر عربیہ کے مطابق آرمینیا کے دارالحکومت یریوان کے لیے اکانومی کلاس کا ریٹرن ہوائی ٹکٹ 995 درہم سے شروع ہوتا ہے جب کہ 1400 درہم بیروت اور تبلیسی اور 1526 درہم ماسکو کے لیے ہے۔
