کراچی: سول ایوی ایشن اتھارٹی(سی اے اے) نے مسافروں اور دیگر اسٹیک ہولڈرز کی سہولت کے لیے اینڈرائیڈ ایپ متعارف کرا دی ہے۔
سول ایوی ایشن اتھارٹی کا کہنا ہے کہ ایپ متعارف کرنے کا مقصد عوام اور ایوی ایشن سے وابستہ دیگر اسٹیک ہولڈرز کو رضاکارانہ کسی بھی واقعہ، مسئلہ یا بے قاعدگیوں کی رپورٹ کرنے میں مدد دینا ہے۔
سی اے اے نے بتایا کہ سہولت کی فراہمی کے لیے ایپ کی شکل میں پلیٹ فارم متعارف کرایا گیا ہے۔
مسافر، ہوائی سفر یا کسی بھی قسم کے واقعہ سے متعلق ایپ پر رپورٹ کرسکتے ہیں۔ رپورٹ کرنے والا شخص فائلز اور تصاویر کی صورت ثبوت پیش کرسکے گا جبکہ اپنا بیان اپ لوڈ کرنے کی بھی سہولت مسیر ہوگی۔
ایوی ایشن اتھارٹی نے متنبہ کیا کہ مسافروں اور صارفین کی حفاظت کیلئے بنائے گئے قوائد و ضوابط اور طریقہ کار کی خلاف ورزی پر زیرو ٹولرنس کی پالیسی پرسختی سے کاربند ہیں۔
محمد صلاح الدین اے آروائی نیوز سے وابستہ سینئر صحافی ہیں اور ایوی ایشن سے متعلقہ امور کی رپورٹنگ میں مہارت رکھتے ہیں