The news is by your side.

Advertisement

پانی کی قلت کا شکار ڈیفنس اور کلفٹن کے مکینوں کیلئےاچھی خبر

کراچی : ڈیفنس اور کلفٹن میں پانی کی قلت دور کرنے کےلیے حبکو اور ڈی ایچ اے میں معاہدہ ہوگیا، یومیہ 50 لاکھ گیلن پانی تیار کیا جائے گا۔

تفصیلات کے مطابق شہر قائد کے پوش علاقے ڈیفنس اور کلفٹن کے مکینوں کو مسلسل پانی کی قلت کا سامنا ہے لیکن اب ان کے لیے پانی سے متعلق اچھی خبر آگئی ہے۔

ڈیفنس اور کلفٹن کے مکینوں کو صاف پانی فراہم کرنے کےلیے ڈی ایچ اے اور حبکو کے درمیان صاف پانی کی تیاری کےلیے مفاہمت کی یادداشت پر دستخط کیے گئے ہیں۔

ذرائع کا کہنا ہے کہ معاہدے کے تحت ڈیفنس ہاؤسنگ سوسائٹی کوجن لیمٹڈ کی بحالی ہوگی، جس کے بعد یومیہ 50 لاکھ گیلن پینے کا صاف پانی تیار کیا جاسکے گا۔

ذرائع کا کہنا ہے کہ کوجن 84 میگاواٹ بجلی پیدا کرے گا جو کے الیکڑک کو فراہم کی جائے گی۔

ذرائع کے مطابق مذکورہ منصوبے سے کلفٹن کےلیے سمندر سے یومیہ 30 لاکھ گیلن پینے کا صاف پانی بھی تیار ہوگا۔

Comments

یہ بھی پڑھیں