ریاض: سعودی عرب کے بجٹ خسارے میں رواں سال کی دوسری سہ ماہی کے دوران 38 فیصد تک کمی واقع ہوئی ہے۔
عرب میڈیا کی رپورٹ کے مطابق سعودی معیشت کی بحالی میں تیزی جبکہ بجٹ خسارے میں کمی ریکارڈ کی گئی ہے۔ اسی طرح آمدن اور اخراجات میں بھی اضافہ دیکھا گیا۔
سعودی وزارت خزانہ کی جانب سے جاری سہ ماہی بجٹ رپورٹ میں کہا گیا ہے کہ رواں سال کی دوسری سہ ماہی کے دوران اخراجات میں 19 فیصد اور آمدن میں 22 فیصد اضافہ ہوا ہے۔
حکومت کے پہلی سہ ماہی میں اخراجات 212 ارب تھے جو دوسری سہ ماہی میں بڑھ کر 252 ارب ریال تک پہنچ گئے۔ مملکت کا ریونیو بڑھ کر 248 ارب ریال تک پہنچ گیا۔
سہ ماہی بجٹ رپورٹ کے مطابق ملکی ریونیو میں اضافے کے سبب سعودی عرب کے بجٹ خسارہ کم ہو کر 4.6 ارب ریال ہوگیا ہے جو کہ گزشتہ سہ ماہی میں 7.4 ریال تھا۔ یہ نتائج تیل کی زیادہ فروخت کے باعث سامنے آئے۔
معاشی ماہرین کا ماننا ہے کہ ملکی بجٹ کسی بھی قوم کے معاشی صحت کا بیرو میٹر ہوتا ہے، سعودی عرب کے دوسرے سہ ماہی کا بجٹ رپورٹ کے نتائج زیادہ مضبوط معاشی پالیسی کو ظاہر کرتے ہیں۔
