گڈز ٹرانسپورٹرز کا ہڑتال ختم کرنے کا اعلان goods transporters strike end
The news is by your side.

Advertisement

گڈز ٹرانسپورٹرز کا ہڑتال ختم کرنے کا اعلان

کراچی: گڈز ٹرانسپورٹ ایسوسی ایشن نے دس روز بعد اپنی ہڑتال ختم کرنے کا اعلان کردیا۔

اے آر وائی نیوز کے نمائندے رافع حسین کے مطابق ہڑتال ختم کرنے کا یہ اعلان گورنر سندھ محمد زبیر عمر کی جانب سے سامنے آیا ہے جس میں انہوں نے کہا ہے کہ گڈز ٹرانسپورٹرز نے یقین دہانی کرائی ہے کہ وہ ہڑتال ختم کررہے ہیں اور آج سے ہی کام شروع کردیں گے۔


اطلاعات کے مطابق گورنر سندھ نے یہ بھی کہا ہے کہ ہڑتال ختم کرنے کا فیصلہ گڈز ٹرانسپورٹ ایسوسی ایشن سے ملاقات کے دوران ہوا جس میں انہوں نے ہڑتالیوں کے تمام تر مطالبات اور تحفظات سنے اور انہیں مسائل حل کرنے کی یقین دہانی کرائی۔

 

یہ پڑھیں: گڈزٹرانسپورٹ کی ہڑتال، کراچی پورٹ پرکنٹینرزرکھنے کی جگہ ختم

 گورنر سندھ نے کہا کہ اگر سیکیورٹی کے مسائل درپیش ہیں تو سندھ حکومت اور انتظامیہ انہیں بھرپور سیکیورٹی دے گی جواب میں گڈز ٹرانسپورٹ نے ہڑتال ختم کرنے کا کہا۔

اطلاعات ہیں کہ کچھ ٹرانسپورٹرز اب بھی ہڑتال ختم کرنے پر راضی نہیں ہیں تاہم ٹرانسپورٹرز کا بڑا حصہ ہڑتال ختم کرنے پر آمادہ ہوگیا ہے۔

واضح رہے کہ اس ہڑتال کے نتیجے میں معشیت کو اربوں روپے کا نقصان پہنچ چکا ہے، قبل ازیں گورنر سندھ کی جانب سے ہڑتالیوں سے کیے گئے مذاکرات ناکام ہوگئے تھے۔

اسی سے متعلق: گڈز ٹرانسپورٹرز کے حکومت سے مذاکرات ناکام، ہڑتال بدستور جاری

ہڑتال کے باعث کروڑوں روپے کا نقصان ہوچکا ہے، بندرگاہ پر کنٹینر رکھنے کی گنجائش بھی ختم ہوگئی ہے۔

Comments

comments

یہ بھی پڑھیں