نیویارک: گوگل کے سی ای او کا ٹوئٹر اکاﺅنٹ کو ہیک کرلیا، آور مائن گروپ نے سندر پچائی کے ٹوئٹر اکاؤنٹ تک رسائی حاصل کرتے ہوئے اپنے روایتی انداز میں پیغام لکھا کہ ہم تو صرف آپ کی سکیوریٹی آزما رہے ہیں۔
تفصیلات کے مطابق گوگل کے سی ای او سندر پچائی ایک سروس کیورا استعمال کرتے ہیں جو کہ ان کے ٹوئٹر اکاؤنٹ سے جڑی ہوئی ہے، کیورا پر لکھا گیا پیغام خود بخود ٹوئٹر پر پوسٹ ہو جاتا ہے، آور مائن نے دراصل کیورا تک رسائی حاصل کی اور وہاں سے ٹوئٹر پیغام لکھا۔
تاہم ہیکرز کو سندر پچائی کے ٹوئٹر اکاﺅنٹ تک پوری رسائی حاصل نہیں ہوسکی اور وہ ہیک ہونے سے بچ گیا تاہم وہ اپنا پیغام لاکھوں افراد تک پہنچانے میں ضرور کامیاب ہوگئے۔
چند ہی دن قبل فیس بک کے بانی مارک زکر برگ ہیکرز کا نشانہ بن چکے ہیں، آور مائن نامی گروپ نے ان کے ٹوئٹر اور انسٹاگرام اکاؤنٹس ہیک کر لیے تھے۔
آور مائن نامی یہ گروپ گزشتہ ایک مہینے کے دوران فیس بک کے بانی مارک زکربرگ سمیت دیگر افراد کے اکاﺅنٹس ہیک کرچکا ہے۔
مزید پڑھیں : مارک زکر برگ کے اکاؤنٹس ہیک ہوگئے
دلچسپ بات یہ ہے کہ یہ گروپ معروف شخصیات اور بڑے ناموں کو ہدف بنانے کے ساتھ ساتھ خود کو ایک ڈیجیٹل سیکیورٹی کمپنی کے طور پر بھی پیش کررہا ہے۔