گوگل نے سرچ انجن کروم سے اشتہارات ختم کردیئے، سرفنگ آسان ہوگئی google
The news is by your side.

Advertisement

گوگل کروم سے اشتہارات ختم، سرفنگ آسان ہوگئی

گوگل نے صارفین کی پریشانی کو مد نظر رکھتے ہوئے اپنے سرچ انجن کروم سے بلٹ ان ایڈ بلاکر کو ان ایبل کر دیا \ہے جس کے بعد سرفنگ کے دوران غیر ضروری اور حد سے زیادہ اشتہارات سے جان چھوٹ جائے گی۔

تفصیلات کے مطابق آج سے گوگل نے براؤزر کروم میں موجود بلٹ ان ایڈ بلاکر کے استعمال کا فیصلہ کرکے خود مختار آپشن کو فعال کردیا ہے جس کے بعد فل پیج اشتہارات، خود کار آٹو پلے ویڈیو و آڈیو اشتہارات، اسکرولنگ کے ساتھ حرکت کرنے والے اشتہارات اور فلیشنگ ایڈز بند ہو جائیں گے جس کے بعد صارفین بلا تعطل سرفنگ سے لطف و اندوز ہو سکیں گے۔

گوگل انتظامیہ کا کہنا ہے کہ کروم میں موجود بلڈ ان ایڈ بلاکر کو فعال کرنے سے ناپسندیدہ اور غیر متعلق اشتہارات سے نجات مل جائے گی جس کی وجہ سے صارفین کو دقت اور اکتاہٹ کا سامنا رہتا تھا اور یہ ایڈز سرفنگ کے دوران صارفین کی یک سوئی پر بھی اثر انداز ہوتے تھے، تاہم کولیشن فار بیٹر ایڈز کی پاسداری کرنے والے اشتہارات موجود رہیں گے البتہ ان کی تعداد قابل ذکرنہیں ہوگی۔

ڈیسک ٹاپ پر گوگل کروم استعمال کرنے والے صارفین کے لیے یہ آپشن ایڈریس بار میں موجود ہوگا اور پاپ اپ بلاکر آئیکون کی طرح نظر آئے گا جو بلاک کیے گئے اشتہارات کی تعداد بھی بتائے گا جب کہ موبائل فون استعمال کرنے والے صارفین کے لیے یہ آپشن اسکرین کے بالکل نیچے موجود ہوگا جہاں بلاک کیے گئے اشتہارات کی تعداد بھی ظاہر ہو گی.

گوگل انتظامیہ نے اس نئی تبدیلی کے حوالے سے ویب سائٹس کو مقررہ معیار سے مطابقت نہ رکھنے والے اشتہارات پر نظر رکھنے اور انہیں ہٹانے کے لیے ایک ماہ کا وقت دے دیا ہے تاہم خلاف ورزیاں جاری رکھنے والی ویب سائٹس کے تمام اشتہارات بلاک کر دیئے جا ئیں گے۔


خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں۔

Comments

comments

یہ بھی پڑھیں