The news is by your side.

Advertisement

گوگل کے ملازم دفتر میں کیا کھاتے ہیں؟

دنیا کا سب سے بڑا سرچ انجن گوگل سب سے زیادہ کمانے والی کمپنی بن چکا ہے۔ گوگل جہاں اپنے مالکان کے لیے بے حد نفع بخش ہے وہیں یہ اپنے ملازمین کو بھی بے شمار سہولیات فراہم کرتا ہے۔

گوگل اپنے دفاتر میں کام کرنے والے 57 ہزار 1 سو ملازمین کو دیگر کئی سہولیات کے ساتھ مفت اور لذیذ اشیائے طعام بھی فراہم کرتا ہے۔ یہ کھانے کوئی عام کھانے نہیں بلکہ ان کی تراکیب دنیا کے ماہر شیفس کی تراکیب ہیں۔

گوگل کی جانب سے جاری کیے جانے والے اعداد و شمار کے مطابق ان کھانوں پر ہر سال 80 ملین ڈالر خرچ کیے جاتے ہیں۔ گوگل کے کچن میں 675 ملازمین موجود ہیں جو روزانہ ایک لاکھ سے زائد کھانے ملازمین کو فراہم کرتے ہیں۔

دنیا بھر میں موجود گوگل کے دفاتر میں 185 شاندار کیفے ٹیریا موجود ہیں جبکہ صرف کیلیفورنیا میں واقع گوگل کے ہیڈ کوارٹر میں 30 کیفے موجود ہیں۔

ہم نے گوگل کے ملازمین کی سوشل میڈیا پر پوسٹ کی جانے والی کچھ ایسی ہی تصاویر جمع کی ہیں جن سے اندازہ ہوتا ہے کہ وہ روز اپنے آفس میں کن کھانوں سے لطف اندوز ہوتے ہیں۔

لندن میں رہائش پذیر گوگل کے ایک ملازم کے مطابق تمام ملازمین کے لیے روز آفس پہنچ کر اپنا ناشتہ خود بنانے کی سہولت موجود ہے۔

7

سان فرانسسکو کے ایک ماہر شیف نے گوگل ملازمین کے لیے یہ کپ کیکس بنائے۔

6

گوشت سے پرہیز کرنے والے سبزی خور افراد بھی ان ذائقوں سے محروم نہیں۔

1

لاس اینجلس میں سلاد کے شوقین ایک ملازم کا کھانا۔

5

لندن میں گوگل کے ایک دفتر میں چکن تندوری اور جھینگوں کے سوشی رولز بنائے گئے۔

2

آئس کریم کے شوقین افراد دفتر میں بھی اپنا شوق پورا کرتے ہیں۔

3

لاس اینجلس میں گوگل کے دفتر میں کھانے کی میز۔

8

زیورخ کے ایک گوگل آفس میں ایک ملازم کو کھانے کے لیے یہ ٹرے موصول ہوئی۔

4

لاس اینجلس میں ایک ملازم کا تیار کردہ ناشتہ۔

9

Print Friendly, PDF & Email

Comments

comments

یہ بھی پڑھیں