تازہ ترین

گوگل کے نئے اسمارٹ فونز متعارف

نیویارک: گوگل نے کال فیچر کے ساتھ اپنے دو نئے جدید اسمارٹ فون متعارف کرادیے۔

تفصیلات کے مطابق گزشتہ روز امریکا میں گوگل کی جانب سے نئی پراڈکٹ متعارف کرانے کی تقریب کا انعقاد کیا گیا جس میں دو نئے اسمارٹ فون لوگوں کی توجہ کا مرکز بنے۔

گوگل کی جانب سے پکسل ایکس ایل تھری نامی اسمارٹ فون متعارف کرایا گیا جس کی اسکرین 6.3 انچ ہے جبکہ بیک کیمرہ 12 میگا پکس اور فرنٹ 8 میگا پکسل ہے۔

پکسل ایکس ایل تھری کی اسٹوریج 128 جی بی ہے جبکہ اس کے کیمرے ، بیٹیری اور دیگر فیچرز پرانے سیٹ کے مقابلے میں کافی بہتر ہیں۔

گوگل نے نئے اسمارٹ فون میں فون کال کوالٹی کا فیچر متعارف کروایا، صارف کے پاس جب کوئی کال آئے گی تو اسکرین پر ایک بٹن نظر آئے گا جس کو دبانے کے بعد کالر کی آواز فون قریب لائے بغیر ہی صاف سنائی دے گی۔

مزید پڑھیں: اب گوگل میں کام کرنے کے لیے ڈگری کی کوئی ضرورت نہیں

کمپنی نے گوگل پکسل ایکس ایل کی قیمت 850 امریکی ڈالر اسی طرح پکسل کی قیمت 650 امریکی ڈالر مقرر کی گئی جن کی مارکیٹ میں فروخت یکم نومبر سے شروع ہوگی۔

پکسل تھری میں 64 اور 128 جی بی اسٹوریج کی سہولت دی گئی اسی طرح پکسل ایکس ایل 3 میں بھی 64، 128 جی بی دی گئی ہے، اسٹوریج کے حساب سے دونوں فونز کی قیمت علیحدہ عیلحدہ مقرر کی گئی۔

علاوہ ازیں گوگل نے اسمارٹ ڈیوائس ٹیب کے لیے وائرلیس چارچنگ اسٹینڈ متعارف کروایا جبکہ کمپنی Home Hub نامی جدید پراڈکٹ بھی سامنے لائی جسے گھر میں لگا کر آواز کے ذریعے کنٹرول کیا جاسکتا ہے۔

Comments

- Advertisement -