کیلی فورنیا: انٹرنیٹ کی سب سے بڑی کمپنی کے راستہ بتانے والے فیچر ’گوگل میپ‘ نے امریکی جوڑے میں طلاق کروادی۔
تفصیلات کے مطابق جنوبی امریکا کے علاقے پیرو سے تعلق رکھنے والے شہری نے گوگل میپ پر اپنی اہلیہ کو کسی اور مرد کے ساتھ دیکھ کر طلاق دے دی۔
امریکی میڈیا کے مطابق مذکورہ شہری دارالحکومت لیما میں ایک مقام تک پہنچنے کی مسلسل کوشش کررہا تھا مگر وہ کافی گھنٹوں بعد بھی ناکام رہا جس کے بعد اُس نے سڑک کنارے چلنے والے شہری کے مشورے پر عمل کرنا شروع کیا۔
امریکی شہری نے مشہور پُل تک پہنچنے کے لیے گوگل میپ سے مدد لینا شروع کی اور اپنی نظر موبائل کی اسکرین پر جما کر رکھی تاکہ راستہ نہ بھٹک جائے۔
ایک مقام پر اُس نے گوگل اسٹریٹ ویو میں موجود سہولت فوٹوز میں سڑک کنارے رکھی بینچ پر خاتون کو مرد کے ساتھ بیٹھے ہوئے دیکھا جو اُسے جانی پہچانی لگ رہی تھی۔
امریکی میڈیا رپورٹس کے مطابق گوگل کیمرہ نے وہ تصویر 2013 میں اپنے سرور پر محفوظ کی تھی جسے جب شہری نے غور سے دیکھا تو یہ خاتون دراصل اُس کی بیوی تھی جو اپنے دوست سے ملاقات کےلیے اس مقام پر آئی تھی۔
امریکی شہری نے اُسی وقت اسکرین شارٹ لیا اور گھر جاکر اپنی بیوی سے سوالات کیے تو اُس نے اپنے دوست سے ملاقات کا اعتراف کیا اور دونوں کے درمیان محبت کا بھی بتایا جس پر مذکورہ شخص نے فورا اپنی بیوی سے علیحدگی کا اعلان کرتے ہوئے اُس کو طلاق دی۔
