The news is by your side.

گوگل کی نئی ٹیکنالوجی سے فوٹوگرافی میں شاندار تبدیلی

امریکی ملٹی نیشنل ٹیکنالوجی کمپنی گوگل نے ایک نئی ٹیکنالوجی تیار کی ہے جو فوٹو گرافی کی دنیا کو بدل کر رکھ دے گی، اس کے ذریعے اندھیرے میں لی گئی تصاویر بھی نہایت بہتر ہوجائیں گی۔

بین الاقوامی ویب سائٹ کے مطابق گوگل نے ایک نئی اے آئی امیج نوائز ریڈکشن ٹیکنالوجی تیار کی ہے جو لوگوں کو اندھیرے میں دیکھنے میں مدد فراہم کرے گی جبکہ اس سے انتہائی کم روشنی میں بہترین تصاویر لینا بھی ممکن ہو جائے گا۔

گوگل کی نئی تحقیق میں اس ٹیکنالوجی کے بارے میں بتایا گیا ہے کہ یہ کسی تاریک مقام کو طاقتور ڈی نوائزنگ سے فوٹو گرافی کے قابل بنا دے گا۔

تحقیق میں کہا گیا کہ یہ ٹیکنالوجی کم روشنی میں لی جانے والی تصاویر میں زیادہ تفصیلات کا اضافہ کر دیتی ہے، محققین کا کہنا ہے کہ نورل ریڈینس فیلڈز ایک ایسی تکنیک ہے جو اندھیرے میں لی جانے والی تصاویر کا معیار بہتر بناتی ہے۔

یہ ٹیکنالوجی کسی منظر میں کیمرا پوزیشن، ایکسپوزر اور ٹون میپنگ کو استعمال کر کے تصاویر کا معیار بہتر بناتی ہے، درحقیقت صرف موم بتی کی روشنی میں بھی ایسی تصاویر لینا ممکن ہے جیسے انہیں بہت زیادہ روشنی میں لیا گیا ہو۔

تاہم یہ ٹیکنالوجی تحقیقی مرحلے سے گزر رہی ہے اور مستقبل میں کسی وقت اسے عام استعمال کے لیے متعارف کروائے جانے کا امکان ہے۔

Comments

یہ بھی پڑھیں