نیویارک : دنیا کا مشہور ترین سرچ انجن گوگل آج اپنی انیسویں سالگرہ منا رہا ہے، اس موقع پر گوگل نے اینی میٹڈ ڈوڈل اور دلچسپ گیمز بھی متعارف کرائے۔
دنیا کا سب سے بڑا سرچ انجن گوگل انیس سال کا ہوگیا، گوگل نے اپنی سالگرہ پر اپنے صارفین کیلئے اینیمیٹڈ ڈوڈل اور منفرد اور دلچسپ گیم متعارف کرائے، اب اسپینر گھمائیں اور مزے مزے کے گیم کھیلیں۔
گوگل ڈوڈل ‘ بین الاقوامی سرچ انجن کے آن سکرین لوگو کا نام ہے، جسے وہ اکثر اہم دن کی مناسبت سے تبدیل کردیا جاتا ہے۔
https://youtu.be/0igHWcwnWqk
انیس سو اٹھانوے میں لیری پیج اور سرگئے برن نے گوگل کی بنیاد رکھی اور آج گوگل ایپل کے بعد دنیا کی سب سے امیر ترین کمپنی ہے، مگر گوگل کی اصلی برتھ ڈے کب ہے یہ تو شاید گوگل کو بھی نہیں معلوم۔
دو ہزار چھ سے گوگل نے اپنی سالگرہ ستائیس ستمبر کو منانا شروع کی جبکہ اس سے پہلے نو سال میں گوگل نے چار بار اپنی سالگرہ کی تاریخ تبدیل کی۔
گوگل نے 2002 میں پہلی بار اپنی سالگرہ کے لیے ڈوڈل کا استعمال کیا تھا جبکہ گوگل میگا ایونٹس، اہم شخصیات کی برسی اور سالگرہ پر خراج تحسین پیش کرنے کیلئے پر اپنے ڈوڈل میں تبدیلی کرتا رہتا ہے،جو خاصے مقبول ہوتے ہیں۔
صرف یہی نہیں بلکہ گوگل نے اپنی چھٹی سالگرہ 7 ستمبر کو منائی تھی اور اسے سے پہلے یہ سالگرہ ستمبر کی آٹھ تاریخ کو منائی گئی تھی حالانکہ مذکورہ بالا میں سے کوئی بھی گوگل کی حقیقی سالگرہ نہیں ہے۔
گوگل کے اپنے کلینڈر کے مطابق کمپنی کا قیام ستمبر کی 4 تاریخ کو عمل میں لایا گیا تھا۔ یا در رہے کہ گوگل کی تشکیل اسٹین فورڈ یونی ورسٹی کے ریسرچ پراجیکٹ کے طور پر ہوئی تھی۔
