اسلام آباد: وزیرمملکت برائے پارلیمانی امور علی محمد خان اور وزیر برائے مذہبی امور نورالحق قادری نے ماہِ شوّال کے چاند کی سائنسی پیش گوئیوں پر ردعمل جاری کردیا۔
اے آر وائی نیوز کے مطابق وزیرمملکت برائے پارلیمانی امور نے سماجی رابطے کی ویب سائٹ ٹویٹر پر عید الفطر کے چاند کے حوالے سے ٹویٹ کیا۔
اپنے ٹویٹ میں اُن کا کہنا تھا کہ ’عید کاچاند ایک دینی مسئلہ ہے،جسے علمائے دین کے علم، تجربے، انسانی شہادتوں کی مددسےحل کرلیں گے، انشااللہ! بہترنتیجہ نکلےگا‘۔
اُن کا کہنا تھا کہ’ایک اہم اورحساس معاملے پر بیان بازی سےگریزکرنا چاہیے، میری دعا ہے قوم ایک ہی دن روزہ رکھے اور عید منائے‘۔
عید کا چاند 🌙ایک دینی مسئلہ ہے جسے علمائے کرام دین کے علم اپنے تجربہ انسانی شہادتوں اور سائنس کی مدد سے حل کر لیں گے۔ انشاءاللّٰہ بہتر نتیجہ نکلے گا۔
ایک اہم اور حساس معاملہ پہ غیر ضروری بیان بازی سے گریز کرنا چاہیے۔
میری دعا ہے کہ قوم ایک ہی دن عید🌙اور ایک ہی دن روزہ رکھے۔— Ali Muhammad Khan (@Ali_MuhammadPTI) May 12, 2021
دوسری جانب وزیر برائے مذہبی امور نورالحق قادری نے سماجی رابطے کی ویب سائٹ پر اپنے ٹویٹ میں کہا کہ ’مرکزی رویت کمیٹی کے فیصلے سے پہلے حکومتی شخصیت کا فیصلہ جاری کرنا مناسب اقدام نہیں ہے‘۔
مرکزی روئیت ھلال کمیٹی کے فیصلہ سے پہلے عید یا رمضان کا فیصلہ کرنا کسی وزیر یا حکومتی شخصیت کیلۓ مناسب نہیں جب حکومت کاایک متعین ادارہ اور وھاں جیّد علماء سمیت تمام متعلقہ اداروں کی نمائندگی موجو ھے پہلے سے اھم دینی وشرعی حکم کا فیصلہ دینا دینی شعائر کا مذاق اڑانے کے مترادف ھے
— pir noorulhaq qadri (@NoorulhaqPir) May 12, 2021
انہوں نے کہا کہ ’رویت ہلال کمیٹی حکومت کا متعین کردہ ادارہ ہے، جہاں جید علماکرام سمیت دیگر شعبوں سے تعلق رکھنے والوں کی نمائندگی موجودہے، اہم شرعی حکم کا پہلے سے فیصلہ جاری کرنا دینی شعائرکا مذاق اڑانےکے مترادف ہے‘۔
قبل ازیں وفاقی وزیر اطلاعات و نشریات فواد چوہدری نے سماجی رابطے کی ویب سائٹ پر عید چاند نظر نہ آنے سے متعلق ایک ٹویٹ کیا۔ اپنے ٹویٹ میں انہوں نے کہا کہ ’اس وقت پاکستان میں چاند کی عمر 13 گھنٹے 42 منٹ ہے لہذا چاند کا آج نظر آنے کا امکان نہیں ہے‘۔
اس وقت چاند کی عمر پاکستان میں 13 گھنٹے 42 منٹ ہے لہذا چاند کا آج نظر آنا ممکن ہی نہیں جن حضرات نے عید سعودیہ کے ساتھ منانی ہے یہ ان کی آپشن ہے لیکن جھوٹ بول کر ماہ مقدس کا اختتام کرنا کہاں کی عقلمندی ہو گی، سیدھا کہیں کہ ہمیں عید افغانستان یا سعودیہ کے مطابق منانی ہے۔۔
— Ch Fawad Hussain (@fawadchaudhry) May 12, 2021
فواد چوہدری نے کہا کہ ’جن حضرات نے عید سعودی کے ساتھ منانی ہے یہ ان کا صوابیدیدی اختیار ہے لیکن جھوٹ بول کر ماہ مقدس کا اختتام کرنا کہاں کی عقل مندی ہو گی؟ لہذا سیدھا کہیں کہ ہمیں عید افغانستان یا سعودیہ کے ساتھ منانی ہے‘۔
