امریکی ریاست سان ڈیاگو کے چڑیا گھر پر کرونا نے وار کیا جس سے گوریلے متاثر ہوئے ہیں۔
بین الاقوامی میڈیا رپورٹ کے مطابق سان ڈیاگو کے سفاری پارک میں موجود ایک گوریلا کی طبیعت ناساز تھی پھر دیکھتے ہی دیکھتے اُس کے دیگر ساتھی بھی بیمار پڑ گئے۔
چڑیا گھر کی انتظامیہ نے جب ڈاکٹرز کو دکھایا تو انہوں نے کرونا ٹیسٹ کیا جن کی رپورٹس سامنے آئیں تو انکشاف ہوا کہ جو 2 گوریلے سست اور بہت زیادہ بیمار نظر آرہے تھے وہ دراصل کرونا کا شکار ہوگئے۔
امریکا کے کسی بھی چڑیا گھر میں پہلی بار جانور کے کرونا کے کیسز رپورٹ ہوئے ہیں جس پر مقامی حکومت اور انتظامیہ شدید پریشانی کا شکار ہیں۔
سان ڈیاگو سفاری پار کے ایگزیکٹیو ڈائریکٹر لیسا پیٹرسن نے بتایا کہ 8 گوریلا ایک ساتھ رہتے ہیں جن کو نزلے اور زکام کی شکایت ہے، ان میں سے دو کو کرونا کی تشخیص ہوئی ہے۔
مزید پڑھیں: کرونا وائرس، گوریلا کی نسل ختم ہونے کا خطرہ
انہوں نے بتایا کہ یہ وائرس وائلڈ لائف کی ٹیم کے ممبر کی وجہ سے یہاں پہنچا ہے کیونکہ وہ بغیر ماسک کے نہ صرف یہاں آتے تھے بلکہ گوریلا کے پنجرے میں بھی جاتے تھے۔
Members of our gorilla troop tested positive for SARS-CoV-2, the virus that causes COVID-19. Aside from some congestion and coughing, the gorillas are doing well and we are hopeful for a full recovery. Read the full update: https://t.co/HIezWKBFxG pic.twitter.com/MAkPYPzxWP
— San Diego Zoo Safari Park (@sdzsafaripark) January 11, 2021
چڑیا گھر کی انتظامیہ نے گوریلوں کی رپورٹس آنے کے بعد پارک میں عوامی داخلہ بند کردیا ہے۔
انہوں نے بتایا کہ ویٹنری ڈاکٹرز گوریلوں کی نگرانی کررہے ہیں اور وہ انہیں خصوصی خوراک اور وٹامنز دے رہے ہیں تاکہ گوریلا دوبارہ صحت مند ہوجائیں۔
یہ بھی پڑھیں: زخمی چڑیا کا علاج، گوریلا نے رحم دلی کی مثال قائم کردی، ویڈیو وائرل
انہوں نے بتایا کہ دیگر گرویلے جو نزلے اور زکام میں مبتلا ہیں اُن کی صحت کو ڈاکٹرز نے اطمینان بخش قرار دیا ہے۔
